అంతర్జాతీయం
పాక్ ఉగ్రవాదులపై భారీ రివార్డులు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 9: ప్రముఖ పాకిస్తాన్ ఉగ్రవాదుల ఆచూకీ చెప్పిన వారికి పెద్ద మొత్తంలో రివార్డులను అమెరికా అధ్యక్షుడు డోనాల్డ్ ట్రంప్ ప్రకటించారు. తెహ్రిక్ ఇ పాకిస్తాన్ అధినేత వౌలానా ఫజలుల్లాపై 5 మిలియన్ అమెరికన్ డాలర్లు, జమాత్ ఉల్ ఆహ్రర్‌కు చెందిన అబ్దుల్ వలి, లష్కర్ ఎ ఇస్లామ్‌కు చెందిన మంగల్ టాగ్ పై చెరో 3 మిలియన్ డాలర్ల చొప్పున రివార్డులు ప్రకటించారు.
ఫజలుల్లా నిషిద్ధ తెహ్రీక్-ఎ- తాలిబాన్ పాకిస్తాన్ సంస్థకు అధినేత. 2014లో పెషావర్ పాఠశాలలో విద్యార్థులతో సహా 150 మంది హత్యకు ఇతడే కారకుడని నమ్ముతున్నారు. పాకిస్తాన్‌కు చెందిన పాఠశాల విద్యార్థిని మలాలా యూసుఫ్ జాయ్‌ను హత్యచేయాలని 2012లో ఆదేశాలు ఇచ్చింది కూడా ఇతడే. అయితే ఫజలుల్లా తనయుడు, డ్రోన్ దాడిలో మరణించినట్టు యుఎస్ ఆంతరంగిక భద్రతాశాఖ ప్రకటించింది. ఇక తెహ్రిక్ ఇ తాలిబాన్‌నుంచి విడివడి, జమాత్ ఉల్ అహ్రర్ ఏర్పడింది. వలీ నేతృత్వంలో ఈ సంస్థ పంజాబ్ ప్రావెన్స్‌లో చురుగ్గా కార్యకలాపాలను నిర్వహిస్తోంది. 2016లో ఈ సంస్థకు చెందిన ఉగ్రవాది లాహోర్ పబ్లిక్ పార్కులో ఆత్మాహుతికి పాల్పడటంతో 75 మంది మరణించగా 340 మంది గాయపడ్డారు. 2015 ఆగస్టులో పంజాబ్ హోం మంత్రి షుజా ఖంజడా, అతని 18 మంది మద్దతు దార్లను ఆత్మాహుతి దాడిలో పొట్టనపెట్టుకుంది కూడా ఈ సంస్థే. వలి మరోపేరు ఒమర్ ఖలీద్ ఖొరాసని. పాకిస్తాన్‌లోని మహమ్మద్ ఏజెన్సీలో జన్మించిన వలి, పూర్వాశ్రమంలో జర్నలిస్టు, మంచి కవి. కరాచీలోని అనేక మదరసాల్లో చదువుకున్నాడు. లష్కర్ ఎ ఇస్లాం, పాకిస్తాన్ గిరిజన ప్రాంతానికి చెందిన సంస్థ. దీని అదినేత మంగల్ బాగ్, మత్తుమందుల రవాణా, కిడ్నాప్‌లు, నాటో కాన్వాయ్‌లపై దాడులు వంటి ద్వారా ఆదాయం పొందుతున్నాడు. వైట్ హౌజ్ అధికార్లతో, పాక్ విదేశాంగ కార్యదర్శి తెహ్‌మినా జన్జువా చర్చలు జరిపిన తర్వాత ఈ ప్రకటన వెలువడటం గమనార్హం.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.