Others

చిరు చిమ్మన గ్రోవి

S ,7 à 8 RSCA (si SASPAS) et 6 cialis pharmacie cialis rapports de stage.

పిల్లనగ్రోవితో ఉల్లము ఝల్లున పొంగితే
చిరు చిమ్మన గ్రోవితో చింతలు పెక్కింతలు!
పిల్లనగ్రోవితో రాగాలు పదివేలు
చిరు చిమ్మన గ్రోవితో రోగాల కనేక మందులు!

కత్తితో పండుకోసుకోవచ్చు
కుత్తుకలూ కోయొచ్చు
ఉపయోగానికి, అపకారానికి
ప్రాణదానానికి, ప్రాణహానికి
రోగ నిర్ధారణకై రుధిర సేకరణకు
రోగ నివారణకై
దుష్పరిణామాన్ని దూరం చేసే
ఔషధ పూరణకు
ఉపకరించే ఉపకరణం.
స్వస్థత కోసం వస్తి యంత్రం
బాలలకు భయాన్ని కలిగించేది
తప్పదనుకుంటే తప్ప
తప్పించాలనే వైద్య సలహా
వికటింప చేసేదొక్కోసారి.

ఉద్రేకం, ఉత్సాహం, ఉత్ప్రేరక కారిణి
ఊహల పల్లకిలో ఊరేగడానికి
ఆనంద డోలికలలో ఊగడానికి
రంగుల స్వప్నలోకంలో విహరించడానికి
యువతకో సాధనం

క్రూరజంతు దూకుడు నియంత్రణకు
మత్తుకు, మారణాయుధంగా మారేది
వక్రమార్గాల ధనార్జనకి వాడకం
మూతిబిగపట్టి పాడియావు పాలను
ముంతనిండా పట్టినా చాలక
చిరు చిమ్మన గ్రోవి పోటుతో అధిక క్షీరమీనాడు!

కొబ్బరి బోండాం నీళ్ళు కొండంత మేలనుకున్నా
అధిక దిగుబడులకదీ కలుషితం
చిరు చిమ్మనగ్రోవితో!
మామిడికాయను మగ్గపెట్టి
మామిడి పండును చేసే ప్రక్రియలా
ఇంతే పిల్లను ఈస్ట్రోజన్‌తో
ఈడొచ్చిన పిల్లగా చేసే
శవయాత్రలో పైసలేరుకునే
దురాశాపరుల దుర్మార్గ ధనార్జనకుపకరించే
సిరంజే ఈ చిన్న చిమ్మనగ్రోవి.

--వేదం సూర్యప్రకాశం, 9866142006