సాహితి

ఓ అమ్మాయి ( అనువాద కవిత )

S ,7 à 8 RSCA (si SASPAS) et 6 cialis pharmacie cialis rapports de stage.

ఇక కోల్పోవడానికి నా దగ్గర
ఏమీ మిగలని సందర్భంలో
నాకో అమ్మాయి దొరికింది
అమ్మాయేమిటి? ఆమె ఓ పిచ్చుక
నా భుజాల మీద కూచుని కిలకిలమని కూసేది
అసంగతమైన ప్రశ్నలు వేస్తూనే
నా కన్నా చిన్నదైన ఆ అమ్మాయి
ఓ రోజు నాకన్నా పెద్దదైపోయింది
స్కూటర్ మీద కూచుని
సుదూర ప్రయాణం చేద్దాం పద అంది
ఆమె మొండి పట్టుదల ముందు నేను అశక్తుణ్ణి
ఇద్దరమూ ఎగురుతూ వెళ్ళి
ఓ నదీ తీరానికి చేరాం
ఆమె చాలాసేపు నదిని పరిశీలించింది
ఆశ్చర్యం!
ఇప్పుడు నది మెల్లమెల్లగా
మా యిద్దరిలో ప్రవహించడం మొదలైంది
ఆ అమ్మాయి ముఖంలో
సాయం సూర్యుడి అరుణిమ
నా ముఖంలో ఓ యుక్త వయస్కుని భయం
ఇపుడు ఎక్కడికి వెళదాం సుందరీ
అని ప్రశ్నించాను
జవాబుగా ఆమె నా భుజమీద వాలిపోయింది
వెంటనే నేనొక చెట్టుకొమ్మలా వంగిపోయాను

- హిందీ: స్వప్నిల్ శ్రీవాత్సవ్ - అనువాదం: డా నలిమెల భాస్కర్ 9704374081