రాష్ట్రీయం
గత ప్రభుత్వ ఒప్పందాలపై సమీక్ష తప్పనిసరి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 10: ఆంధ్రప్రదేశ్‌లో గత ప్రభుత్వం విద్యుత్ కొనుగోలుకు కుదుర్చుకున్న ఒప్పందాలపై సమీక్ష చేయడానికి (పీపీఎలపై) ఆంధ్రప్రదేశ్ విద్యుత్ నియంత్రణ మండలి సుముఖత వ్యక్తం చేసింది. ఈ విషయాన్ని మండలి చైర్మన్ సీవీ నాగార్జునరెడ్డి స్పష్టం చేశారు. ప్రస్తుతం హైకోర్టులో పీపీఏలపై వ్యాజ్యం నడుస్తోందన్నారు. ఏపీ ప్రభుత్వానికి విద్యుత్‌ను విక్రయించిన ప్రైవేట్ సంస్థలకు 50 శాతం బకాయిలను చెల్లించాలని మండలి సూచించిందన్నారు. సోమవారం హైదరాబాద్ సింగరేణి భవనలో ఆయన మీడియా సమావేశంలో మాట్లాడారు. ఏపీలో స్వల్పంగా విద్యుత్ చార్జీల పెంపునకు ప్రభుత్వం తీసుకున్న నిర్ణయాన్ని ఆంధ్రప్రదేశ్ విద్యుత్ నియంత్రణ మండలి ఆమోదించిందని ఆయన ప్రకటించారు. అయితే, పెంచిన విద్యుత్ చార్జీలపై ఎవరైనా వినియోగదారుడు కోర్టులో సవాల్ చేయవచ్చునని ఆయన స్పష్టం చేశారు. ఆంధ్రప్రదేశ్ తూర్పు, దక్షిణ విద్యుత్ పంపిణీ సంస్థలు ఆదాయ వ్యయాల వ్యత్యాసాలను ఎప్పటికప్పుడు సమీక్షించుకోవాలన్నారు. ఒకవేళ సమీక్షల్లో జాప్యం చేస్తే భవిష్యత్‌లో ఏపీ అంధకారం అవుతుందని ఆయన అభిప్రాయపడ్డారు. ప్రపంచవ్యాప్తంగా ధరల పెరుగుదల ప్రతి ఏటా ఎగబాకుతోందన్నారు. దీనిని దృష్టిలో పెట్టుకుని విద్యుత్ సంస్థలు తమ మనుగడ సాధించడానికి చార్జీలను పెంచుకోవాల్సి ఉంటుందన్నారు. అయితే వినియోగదారునిపై అధిక భారం పడకుండా చూడాల్సిన బాధ్యత విద్యుత్ నియంత్రణ మండలిపై ఉందన్నారు. రాష్ట్రంలో విద్యుత్ వాహనాలను ప్రోత్సహించే దిశలో భాగంగా విద్యుత్ సంస్థలు ప్రతిపాదించిన టారిఫ్
యూనిట్‌కు రూ.12.25 నుంచి 6.70కి తగ్గించిందన్నారు. పరిశ్రమలకు రాయితీలు నిలుపుదల చేస్తూ విద్యుత్ సంస్థలు తీసుకువచ్చిన ప్రతిపాదనలను తిరస్కరించామన్నారు. అలాగే విద్యుత్ వినియోగదారులకు ఇచ్చే సబ్సిడీ ఎంతో నెలవారీ జారీ చేసే విద్యుత్ బిల్లుల వెనుక ముద్రించాలని సూచించినట్లు ఆయన చెప్పారు. పవన, సౌర విద్యుత్ సంస్థల లభ్యతను దృష్టిలో పెట్టుకుని మిగులు విద్యుత్ ఉన్నట్లు ప్రభుత్వం సూచించిందన్నారు. జాతీయస్థాయిలో విద్యుత్ నష్టాలను బేరీజు వేస్తే రాష్ట్రంలో విద్యుత్ నష్టాలు తక్కువన్నారు. విద్యుత్ సంస్థల స్థితిగతులపై మీడియా ప్రతినిధులు వార్తలు రాసేముందు వాటి పూర్వాపరాలను అవగాహన చేసుకోవాలన్నారు. తెలియక రాస్తే విద్యుత్ సంస్థలు దెబ్బతింటాయన్నారు. చట్టబద్ధమైన ఒప్పందాలు లేకుండా ప్రైవేట్ విద్యుత్ సంస్థల నుంచి విద్యుత్ కొనుగోలుకు తప్పనిసరిగా మండలి అనుమతులు తీసుకోవాలన్నారు.
*చిత్రం...హైదరాబాద్ సింగరేణి భవన్‌లో మీడియా సమావేశంలో మాట్లాడుతున్న మండలి చైర్మన్ నాగార్జున రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.