రాష్ట్రీయం
తెలుగువారంతా క్షేమమే
S ,7 à 8 RSCA (si SASPAS) et 6 cialis pharmacie cialis rapports de stage.
కర్నూలు, ఫిబ్రవరి 13: చైనాలోని తెలుగు వారంతా క్షేమంగా ఉన్నారని, ఎలాంటి ఆందోళన చెందాల్సిన పనిలేదని విదేశీ వ్యవహారాలశాఖ మంత్రి జై శంకర్ స్పష్టం చేశారు. జ్వరంతో బాధపడుతూ చైనాలోని వుహాన్ నగరంలో చిక్కుకుపోయిన కర్నూలు జిల్లా నంద్యాల యువతి అనె్నం జ్యోతి విషయమై ఆమె తల్లి ప్రమీలమ్మ, బావ అమర్‌నాథ్‌రెడ్డి ఎంపీ తలారి రంగయ్య, ఎంపీ వంగా గీతతో కలిసి మంత్రిని లోక్‌సభ ఆవరణలోని ఆయన కార్యాలయంలో కలిశారు. చైనాలోని భారతీయులందరినీ తీసుకురావడానికి
తాము సిద్ధంగా ఉన్నట్లు మంత్రి స్పష్టం చేశారని ఎంపీ రంగయ్య తెలిపారు. అయితే అక్కడి పరిస్థితులు అనుకూలించిన మీదట చైనా ప్రభుత్వం అనుమతులు ఇస్తుందని వెల్లడించారని పేర్కొన్నారు. చైనా ప్రభుత్వం అనుమతి ఇచ్చిన తక్షణం చైనా వెళ్లి భారతీయులను తీసుకురావడానికి విమానాలు, సిబ్బంది సిద్ధంగా ఉన్నారని మంత్రి స్పష్టం చేశారన్నారు. ప్రత్యేకంగా శిక్షణ కోసం వెళ్లిన అనె్నం జ్యోతి విషయంలో తాము ఎప్పటికప్పుడు వివరాలు సేకరిస్తున్నామని, ఆమె ఆరోగ్యంగా ఉందని చైనాలోని భారత అధికారులు తెలిపారని వివరించారన్నారు. భారతీయులంతా కోవిద్ 19 వైరస్ బారిన పడకుండా క్షేమంగా ఉన్నారని, వారికి అవసరమైన వైద్య సహాయం అందిస్తున్నట్లు స్పష్టం చేశారన్నారు. చైనా ప్రభుత్వం అనుమతి కోసం వేచి చూస్తున్నామని, ఏ క్షణాన అనుమతి వస్తే అప్పుడు తీసుకువస్తామని మంత్రి జై శంకర్ హామీ ఇచ్చారని రంగయ్య వివరించారు.
*చిత్రం... విదేశీ వ్యవహారాల మంత్రి జై శంకర్‌తో సమావేశమైన ఎంపీలు రంగయ్య, వంగా గీత
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.