రాష్ట్రీయం
విశాఖలో కరోనా అనుమానిత కేసు!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం: ప్రపంచాన్ని వణికిస్తున్న కరోనా వైరస్‌కు సంబంధించి విశాఖ నగరంలో ఓ అనుమానిత కేసు నమోదైంది. విశాఖ నగరానికి చెందిన 18 ఏళ్ల మెడికల్ విద్యార్థిని చైనాలో చదువుతోంది. రెండు రోజుల క్రితం చైనా నుంచి విశాఖ నగరానికి వచ్చిన నేపథ్యంలో ఆమె ఆరోగ్య పరిస్థితి క్షిణించడంతో విశాఖ ఎయిర్ పోర్టులో ప్రాథమిక పరీక్షలు నిర్వహించి, అక్కడి నుంచి తక్షణమే వైద్యపరీక్షల నిమిత్తం ప్రభుత్వ అంటువ్యాధుల ఆసుపత్రికి తరలించారు. తీవ్రమైన జ్వరం, వాంతులు, విరేచనాలతో బాధపడుతున్నట్లు గుర్తించిన వైద్యాధికారులు తక్షణమే ఆమెను కరోనా వార్డులో ఉంచి చికిత్సలు అందిస్తున్నారు. ఆమె చైనా నుంచి వచ్చే సమయంలో పలు ఎయిర్‌పోర్ట్‌ల్లో తిన్న ఆహారం ఫుడ్‌పాయిజన్ కావడంతోనే ఈ సమస్య ఏర్పడి ఉంటుందని, ఇప్పటికే ఆమె ఆరోగ్య పరిస్థితిపై రక్తపరీక్షలు నిర్వహించి వాటిని హైదరబాద్‌లోని గాంధీ ఆసుపత్రి వైరాలజీ ల్యాబ్‌కు పంపామని జిల్లా కరోనా నోడల్ ఆఫీసర్ డాక్టర్ పార్థసారధి ‘ఆంధ్రభూమి’కి తెలిపారు. ప్రస్తుతం ఆమె ఆరోగ్య పరిస్థితి నిలకడగానే ఉందని, బుధవారం నాటికి వైరాలజీ ల్యాబ్ రిపోర్ట్ వస్తుందని ఆ తరువాత ఆమెను డిశార్జి చేస్తామని ఆయన తెలిపారు. అయితే కరోనా వైరస్‌పై అనుమానిత కేసు విశాఖలో నమోదైన నేపథ్యంలో ఆరోగ్యశాఖాధికారులు అప్రమత్తమై ముందస్తు చర్యలు చేపడుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.