రాష్ట్రీయం
రాజన్నకు ప్రణమిల్లిన భక్తజనం
S ,7 à 8 RSCA (si SASPAS) et 6 cialis pharmacie cialis rapports de stage.
వేములవాడ, ఫిబ్రవరి 20: దక్షిణకాశీగా పేరుగాంచిన శ్రీరాజరాజేశ్వరస్వామి ఆలయంలో మూడు రోజుల పాటు జరిగే మహాశివరాత్రి ఉత్సవాలు గురువారం ప్రారంభమయ్యాయి. స్వామివారి దర్శనానికి వచ్చే భక్తులకు అనుగుణంగా ఆలయ అధికారులు తగిన ఏర్పాట్లను సైతం పూర్తి చేశారు. కోరిన కోర్కెలు తీర్చే భక్తుల పాలిట కొంగుబంగారమై రాజన్నను దర్శించుకుని, జాగరణ చేయడానికి ఇక్కడికి భక్తులు తరలివస్తున్నారు. ఇప్పుడు అన్నిదారులూ వేములవాడ శైవక్షేత్రం వైపే అన్నట్టుగా భక్తులు ప్రవాహం ప్రారంభమైంది. జిల్లాకు పశ్చిమ ప్రాంతమైన కోరుట్ల, నిజామాబాద్, ఆర్మూర్, బీంగల్ ప్రాంతాల నుండి తమ ఇలవేల్పయన రాజన్నపై సన్నిధానానికి చేరుకుంటున్నారు. నెత్తిమీద ముల్లెలతో, పిల్లాపాపలు, వృద్ధులు అనే తేడాలేకుండా రాజన్న దర్శనానికి వస్తున్నారు. పవిత్ర ధర్మగుండంలో స్నానాలు ఆచరించి మొక్కులు తీర్చుకుంటారు. గురువారం శ్రీ రాజరాజేశ్వరస్వామివారిని 20 వేల మందికి పైగా భక్తులు స్వామివారిని దర్శించుకున్నారు. కోడె మొక్కులు చెల్లించుకున్నాక స్వామివారి సేవలో తరించారు. ముందుగా ధర్మగుండంలో పవిత్రస్నానాలు ఆచరించిన భక్తులు స్వామివారిని దర్శించుకున్నారు. అనంతరం స్వామివారికి తలనీలాలు సమర్పించుకుని నిలువెత్తు బెల్లాన్ని భక్తులకు పంపిణీ చేశారు.
*చిత్రం... రాజన్న క్షేత్రానికి చేరుకుంటున్న భక్తులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.