రాష్ట్రీయం
ఎగువ అహోబిలంలో ధ్వజారోహణం
S ,7 à 8 RSCA (si SASPAS) et 6 cialis pharmacie cialis rapports de stage.
ఆళ్లగడ్డ: కర్నూలు జిల్లా ఎగువ అహోబిలంలో జరుగుతున్న శ్రీ లక్ష్మీనరసింహస్వామి బ్రహ్మోత్సవాల్లో భాగంగా శనివారం తెల్లవారుజామున ధ్వజారోహణ కార్యక్రమం వేడుకగా జరిగింది. ఉత్సవాల్లో భాగంగా నిత్య హోమం, సోమ కుంభస్థాపన, పాళికావాహనం, గరుడప్రతిష్ఠ, షోడప కలశ స్థాపన, ధ్వజ పటానికి పూజలు చేసిన అనంతరం ధ్వజారోహణ కార్యక్రమం చేపట్టారు. ఉత్సవాలు నిరాటంకంగా కొనసాగాలని ఆకాంక్షిస్తూ గరుత్మంతుడి చిత్రపటాన్ని ఆవిష్కరించారు. ధ్వజ స్తంభానికి ఎదురుగా ఉత్సవమూర్తులు శ్రీ జ్వాలా నరసింహస్వామి, శ్రీదేవి, భూదేవి అమ్మవార్లు ప్రత్యేకంగా ఆశీనులై భక్తులను ఆశీర్వదించారు. అనంతరం ఉత్సవమూర్తులను పల్లకిలో ఊరేగించారు. ఈ పూజా కార్యక్రమాల్లో మఠం 46వ పీఠాధిపతి శ్రీవన్ శఠగోప రంగనాథ యతీంద్ర మహాదేశిన్ స్వామి, అర్చకులు కిడాంబి లక్ష్మీనరసింహాచార్యులు, వేద పండితులు పాల్గొన్నారు. చెంచులు పెద్దసంఖ్యలో తరలివచ్చి స్వామి, అమ్మవార్లను దర్శించుకున్నారు. ఉత్సవాల్లో భాగంగా ఆదివారం ఉదయం స్వామివారికి హంస వాహనసేవ, రాత్రి సూర్యప్రభ వాహన సేవ ఉంటాయి. అదేవిధంగా దిగువ అహోబిలంలో ఉదయం ధ్వజారోహణం, రాత్రి సింహవాహన సేవ ఉంటాయి.
*చిత్రం... ఎగువ అహోబిలంలో జరుగుతున్న శ్రీ లక్ష్మీనరసింహస్వామి బ్రహ్మోత్సవాల్లో భాగంగా ధ్వజారోహణం గావిస్తున్న అర్చకులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.