రాష్ట్రీయం
శ్రీవారికి కైంకర్యాలు యధాతథంగా నిర్వహించాం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, మార్చి 21: కరోనా వైరస్ నేపథ్యంలో తిరుమలలో భక్తులను స్వామి దర్శనానికి అనుమతించకపోయినా శ్రీవారి కైంకర్యాలు వైఖానస ఆగమోక్తంగా యధాతథంగా నిర్వహిస్తున్నామని ఆలయ ప్రధాన అర్చకులు వేణుగోపాల దీక్షితులు స్పష్టం చేశారు. శనివారం ఆయన విలేఖర్లతో మాట్లాడుతూ వైఖానస సభ గోశాస్త్ర ప్రకారం తిరుమల పుణ్యక్షేత్రంలో స్వామివారికి అనేక వేల సంవత్సరాల నుంచి ఆరాధనలు జరుగుతున్నాయన్నారు. ఇక ప్రస్తుతం కరోనా వైరస్ ప్రపంచాన్ని వణికిస్తున్న నేపథ్యంలో లోకకల్యాణం కోసం స్వామివారి పరిపూర్ణ అనుగ్రహంతో ఈ విపత్తుల నుంచి ప్రజలు క్షేమంగా బయటపడాలని, స్వామివారికి ప్రత్యేకంగా మూలమంత్రాన్ని జపిస్తున్నామన్నారు. ఈ లోకక్షేమం కోసమే ఈ రెండు రోజులు కూడా అర్చకులందరూ ప్రత్యేక పూజలు చేస్తున్నారన్నారు. అనాధిగా నాలుగు కుటుంబాల అర్చకులు స్వామివారికి కైంకర్యాలను దిగ్విజయంగా నిర్వహిస్తున్నారన్నారు. ఈక్రమంలోనే శ్రీవారి ఆలయంలో సుప్రభాత సేవతో స్వామివారిని మేల్కొలిపినప్పటి నుంచి స్వామివారి పవళింపు కోసం నిర్వహించే ఏకాంతసేవతో పాటు ఆ రోజుల్లో జరిగే నైవేధ్యాలు, కైంకర్యాలను శాస్త్రోక్తంగా నిర్వహిస్తున్నామన్నారు. శుక్రవారం, శనివారం కూడా స్వామివారిని ఉగాది పర్వదినాన్ని పురస్కరించుకుని విశేష ఆభరణాలతో అలంకరించనున్నట్లు చెప్పారు. ఈనేపథ్యంలో ఉగాది పర్వదినం ముందురోజైన మంగళవారం కోయిల్ ఆళ్వార్ తిరుమంజనాన్ని నిర్వహించనున్నామన్నారు. అంటే ఆలయంలోప్రతి అంగుళాన్ని శుద్ధిచేసే కార్యక్రమం జరుగుతుందన్నారు. శనివారం సుప్రభాతం, తోమాల, కొలువు, అర్చన సేవలను ఏకాంతంగా నిర్వహించామన్నారు. ఇక సోమవారం నుంచి శుక్రవారం వరకు జరిగే విశేష పూజలు, ప్రతి నిత్యం అద్దాల మేడలో జరిగే ఊంజల్‌సేవ, కల్యాణోత్సవం యథాతథంగా జరుగుతుందన్నారు. కల్యాణోత్సవాన్ని ఎస్వీబీసీ ఛానెల్ ద్వారా భక్తులు వీక్షించి స్వామివారి అనుగ్రహాన్ని పొందవచ్చన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.