రాష్ట్రీయం
ఎస్‌బిహెచ్ స్కాంపై సిఐబి దర్యాప్తు
S ,7 à 8 RSCA (si SASPAS) et 6 cialis pharmacie cialis rapports de stage.
హైకోర్టు అదేశంతో అధికారుల విచారణ పోలీసుల అదుపులో ఆరుగురు
జాడలేని కీలక సూత్రధారి దామోదర్ నాలుగు బృందాలతో గాలింపు
హైదరాబాద్, డిసెంబర్ 5: స్టేట్ బ్యాంక్ ఆఫ్ హైదరాబాద్ మల్కాజ్‌గిరి బ్రాంచిలో హవాలా మార్గంలో మళ్లిన నిధులపై దర్యాప్తు ముమ్మరంగా సాగుతోంది. మల్కాజ్‌గిరితోపాటు మరో రెండు బ్యాంకులు, ఘట్‌కేసర్, ఖమ్మం బ్రాంచి కలుపుకుని మొత్తం రూ. 50కోట్ల వరకు నిధుల మళ్లింపు జరిగినట్టు అధికారులు గుర్తిస్తుండటంతో దర్యాప్తు మరింత ముందుకుసాగుతోంది. ఎస్‌బిహెచ్ అధికారిక లిక్విడేటర్ అరవింద్ శుక్లా ఫిర్యాదు మేరకు మల్కాజ్‌గిరి పోలీసులు దర్యాప్తు చేస్తున్నారు. ఈ భారీ కుంభకోణం కీలక సూత్రధారి మణి దామోదర్ మాత్రం పరారీలోఉన్నాడు. కాగా నిధుల మళ్ళింపుపై ముమ్మర దర్యాప్తు బాధ్యతలను సెంట్రల్ బ్యూరో ఆఫ్ ఇనె్వస్టిగేషన్‌కు అప్పగిస్తూ రాష్ట్ర హైకోర్టు శుక్రవారం ఆదేశించింది. ఈ మేరకు సిబిఐ డిఐజి చంద్రశేఖర్ కోర్టు ఆదేశాల మేరకు దర్యాప్తు ముమ్మరం చేశారు. మొత్తం 13 బ్యాంకుల్లో కార్యకలాపాలు నిలిపివేశారు. ఆయా బ్యాంకుల్లోని ప్రభుత్వ నిధులు నాలుగు కోట్లు లావాదేవీలు జరుగకుండా చర్యలు తీసుకున్నారు. ఈ కేసులో ప్రధాన నిందితుడు మణి దామోదర్ కోసం నాలుగు బృందాలతో గాలిస్తున్నారు. ఇప్పటికే పోలీసుల అదుపులో వున్న రిటైర్డ్ మేనేజర్ కెవి రమణరావు, మాజీ కౌన్సిలర్ వెంకటేశ్, లక్ష్మణ్, బ్యాంక్ మేనేజర్ నీరజ, రైల్వే ఉద్యోగి ఫణికుమార్‌లను విచారిస్తున్నారు. కాగా వీరు కోటి రూపాయలకు 1.5 లక్షల కమిషన్ తీసుకుంటున్నట్టు దర్యాప్తులో తేలింది. సూత్రధారి దామోదర్ మరిన్ని నిధులను మళ్లించవచ్చనే అనుమానం కలుగుతుందని, మరోసారి ప్రభుత్వ శాఖల డిపాజిట్లు పరిశీలించుకోవాలని బ్యాంకు అధికారులకు డిఐజి సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.