రాష్ట్రీయం
విశాఖమీదుగా సిల్క్ రూట్
S ,7 à 8 RSCA (si SASPAS) et 6 cialis pharmacie cialis rapports de stage.
ముఖ్యమంత్రి చంద్రబాబు ప్రతిపాదన
చైనా మంత్రి చెన్‌తో అమరావతిపై చర్చలు
నిర్మాణంలో భాగస్వామ్యానికి పిలుపు
ఏపీకే తొలి ప్రాధాన్యమని చెన్ హామీ
విజయవాడ, నవంబర్ 23: చైనా ప్రతిపాదిత సిల్క్ రూట్‌ను రాష్ట్రంలోని విశాఖపట్నం మీదుగా తీసుకెళ్లాలని సిఎం చంద్రబాబు కోరారు. కోల్‌కతా, చెన్నైలతో పోలిస్తే తూర్పు తీరానికి ఆంధ్రప్రదేశ్ సరిగ్గా మధ్యభాగంలో ఉందని, మేరీటైమ్ సిల్క్ రోడ్డుకు ఈ రాష్ట్రం అన్నివిధాలా ఆకర్షణీయమైందని చైనా బృందానికి వివరించారు. పెట్టుబడులకు షాంగై తరువాత అమరావతిని సెకండ్ హోమ్‌గా భావించాలని కూడా సిఎం సూచించారు. సోమవారం ఉదయం విజయవాడ వచ్చిన చైనా ప్రభుత్వ ఇంటర్నేషనల్ డిపార్ట్‌మెంట్ ఉప మంత్రి చెన్ పెంగ్జియాంగ్, మరో ఆరుగురు ప్రతినిధుల బృందానికి క్యాంప్ కార్యాలయంలో సాదరంగా స్వాగతం పలికిన సిఎం, వివిధ అంశాలపై తరువాత చర్చలు జరిపారు. పెట్టుబడులు పెట్టి రాజధాని నగర నిర్మాణంలో పాలుపంచుకునే అవకాశం అరుదైనదిగా బాబు అభివర్ణించారు. అమరావతి రూపంలో ఆ అవకాశం ఇప్పుడు దక్కిందన్నారు. ఆంధ్ర నవీన రాజధాని నగర నిర్మాణంపట్ల ఆసక్తివున్న వారెవరైనా ముందుకు రావొచ్చని సూచించారు. ప్రపంచంలోని మొదటి 5 ఉత్తమ నగరాల్లో అమరావతి కూడా ఒకటిగా నిలవబోతోందని, అత్యుత్తమ ప్రమాణాలతో బ్లూ, గ్రీన్ సిటీగా భాసిల్లనుందని చెప్పారు. 40 కిలోమీటర్లకు పైగావున్న నదీమార్గం వెంబడివున్న నగరంలో జలరవాణా ప్రధాన ఆకర్షణగా ఉంటుందన్నారు. అమరావతి నిర్మాణంలో భాగస్వామ్యమయ్యే అరుదైన అవకాశాన్ని వినియోగించుకోవాలని చైనా కంపెనీలకు బాబు పిలుపునిచ్చారు. వేగవంతమైన నిర్మాణాలు జరపడంలో చైనీయుల్ని మించినవారు ప్రపంచంలో ఎవరూలేరంటూ, అమరావతి నిర్మాణంలో ఈ నైపుణ్యమే తమకు అవసరమన్నారు. రాజధాని నిర్మాణంలో భాగస్వాములవ్వడం ద్వారా చైనా పేరు ఇండియాలో శాశ్వతంగా నిలిచిపోతుందని వ్యాఖ్యానించారు.
ఏపీకే తొలి ప్రాధాన్యం
భారత్ పర్యటనలో మొట్టమొదట ఆంధ్రప్రదేశ్‌కే రావాలని అనుకున్నానని, ఇక్కడ తమ తొలి ప్రాధాన్యం ఏపీయేనని చైనా ప్రభుత్వ ఇంటర్నేషనల్ డిపార్ట్‌మెంట్ ఉప మంత్రి ఛెన్ పెంగ్జియాంగ్ ముఖ్యమంత్రి చంద్రబాబుకు హామీ ఇచ్చారు. రాజధాని నిర్మాణాన్ని అతిపెద్ద ప్రాజెక్టుగా చెన్ అభివర్ణించారు. తెల్లకాగితంపై అద్భుతమైన చిత్రాన్ని గీసే అవకాశం ఉన్నట్టే రాజధాని కట్టుకునే అరుదైన అవకాశాన్ని ఉపయోగించుకుని అద్భుతమైన నగరాన్ని నిర్మించవచ్చని వ్యాఖ్యానించారు. చైనా- భారత్ మధ్య సహకార సంబంధాలు మరింత బలపడాలని ప్రగాఢంగా కోరుకుంటున్నట్టు చెప్పారు. మీ దార్శనికత, దృఢ సంకల్పం, సమర్థ నాయకత్వం ముగ్దుల్ని చేస్తున్నాయని చంద్రబాబును ప్రశంసించారు. ఇదే చొరవతో రాజధాని నిర్మాణాన్ని శీఘ్రగతిన పూర్తిచేయగలరనే విశ్వాసాన్ని వ్యక్తం చేశారు. అనేక రాజధాని నగరాల్ని చూశామని, అమరావతి వాటన్నింటికంటే విలక్షణమైనదిగా రూపుదిద్దుకుంటుందని భావిస్తున్నట్టు చెప్పారు. తొలుత సిఆర్‌డిఏ కార్యదర్శి అజయ్‌జైన్, పరిశ్రమల శాఖ కార్యదర్శి ఎస్‌ఎస్ రావత్ ఏపిలో వనరులు, ఆకర్షణల గురించి చైనా బృందానికి ప్రజంటేషన్ ఇచ్చారు. వ్యవసాయ రంగంలో అగ్రగామిగా ఉన్న ఏపి, ఇప్పుడు సరికొత్త విధానాలతో పారిశ్రామికంగా పరుగులు తీస్తోందని వివరించారు. మంత్రులు నిమ్మకాయల చినరాజప్ప, యనమల రామకృష్ణుడు, అచ్చెన్నాయుడు, రావెల కిషోర్‌బాబు, ప్రభుత్వ సలహాదారు డాక్టర్ పరకాల ప్రభాకర్, సిఎంవో ముఖ్య కార్యదర్శి సతీష్‌చంద్ర, కార్యదర్శి సాయిప్రసాద్, తదితరులు సమావేశంలో పాల్గొన్నారు.(చిత్రం) విజయవాడలో చైనా, ఆంధ్ర ప్రతినిధి బృందాలతో జరిగిన భేటీలో మాట్లాడుతున్న చైనా మంత్రి ఛెన్ పెంగ్జియాంగ్, ముఖ్యమంత్రి చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.