శ్రీకృష్ణ లీలారింఛోళి

ఏకప్రాస బాసర సరస్వతీ శతకం

S ,7 à 8 RSCA (si SASPAS) et 6 cialis pharmacie cialis rapports de stage.

పూసలలోని సూత్రమటు పోలిక నొక్కటి దోచుగాని కా
ర్పాసపు దారమొక్క యెడ, బంగరు తీగ మరొక్క చోట ము
క్తానసముదీర్ణమై మెరయు, తామస సాత్విక లక్షణంబులున్
భాసిలు నొక్కరీతిగను బాగుగ జూచి గ్రహించగావలెన్
వాసర వాసినీ ప్రధిత వాగ్వర దాయిని! శ్రీ సరస్వతీ!

మా సరి వారు లేరనుచు మాయల మాటల తోడ కొందరున్
నీ సరివారు లేరనుచు నిక్కును పెంచుచు నింక కొందరున్
గోసన జేయుచున్ నరక కూపమునన్ బడద్రోయువారు, హే
వాసర వాసిని ప్రధిత వాగ్వర దాయిని ! శ్రీసరస్వతీ!
దాసరి భిక్ష మెత్తుచును దైవము పాటలు పాడి ధన్యుడౌ
భూసర జన్మమెత్తి యును పూజలు సేయక భ్రష్టజన్మునై
గాసిలుచున్న వాడ నను గావుము తల్లి దయాసముద్రవై
వాసర వాసినీ ప్రధిత వాగ్వర దాయిని! శ్రీసరస్వతీ!

పోసిన నీరమంతయును పొందదు పాదును చెట్లు తీగలన్
కోసిన పంట యతయు గూటికి జేరదు యట్లుగాననే
వ్రాసిన వ్రాతలన్నియును వస్తు నిబద్ధత జెందనేమొ హే
వాసర వాసిని ప్రధిత వాగ్వరదాయిని! శ్రీ సరస్వతీ!

ఉమాపతి శర్మ 9246171342