పరమేశ్వర శతకం

తే.గీ. రమ్యభావాలు నాలోన రాజ్యమేల
భక్త్భివాలు పొంగారు వాంఛదీర
నీదయావీక్షణంబుల నెఱపుమయ్య
పాహిమాం పరమేశ్వరా! పార్వతీశ!

భావం: చక్కటి భావాలు నాలో రాజ్యమేలేవిధంగా, భక్త్భివాలు పొంగార వలయుననే వాంఛతీరేలా దయతో కూడినటువటి నీ చల్లని చూపులను వ్యాపింపచేయువయ్య శంకరా! నీవు రక్షించిన నీ భక్తుల కథలు విని, నీ దయామృత హృదయాన్ని చూసి నేను చేసిన పాపాలను కూడా నీవు దయతో పారద్రోలుతావని నెరనమ్మి నీ నామానే్న నిరంతరం విడువక జపిస్తున్నాను తండ్రీ నీవే నన్ను కాపాడాలి.
తే.గీ. భక్తవత్సలుడవు శివా! భయమువీడి
ధైర్య సంపత్తి గల్గియు ధరణిలోన
స్థైర్య మాకృతిఁ దాల్చంగ సాగఁ దలతు
పాహిమాం పరమేశ్వరా! పార్వతీశ!

భావం: ఓ పార్వతీ పరమేశ్వరా! నీవు భక్తవత్సలుడవయ్య! భయం విడిచి నిర్భయంగా థైర్యస్థైర్యాలతో సాగిపోవాలనుకుంటున్న నన్ను రక్షించవయ్య స్వామీ! శివా నీపేరులోనే పవిత్రమూ, స్వచ్ఛత ఉంది. నీవు లేనిదే ఈలోకంలేదు. నీవే లయకారునివి. నిన్ను మించిన దైవం ఎక్కడనూలేదు. కనుక నేను నిరంతరమూ నీనామస్మరణనే చేస్తున్నాను. నన్ను ధర్మపథంలో నడిపించే బాధ్యత నీదే శివా.