రాష్ట్రీయం
న్యాయమూర్తి రాజీనామా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 16: హైదరాబాద్‌లోని ఎన్‌ఐఏ ప్రత్యేక న్యాయస్థానం నాలుగో కోర్టు న్యాయమూర్తి రవీందర్‌రెడ్డి తన పదవికి రాజీనామా చేశారు. ఈమేరకు రాజీనామా లేఖను హైకోర్టు ప్రధాన న్యాయమూర్తికి పంపించారు. మక్కా మసీదు పేలుడు కేసు తీర్పును సోమవారం ప్రకటించగా, సాయంత్రం పదవికి రాజీనామా చేయడం తీవ్ర చర్చనీయాంశమైంది. 2007 మే 18న హైదరాబాద్‌లో సంచలనం సృష్టించిన మక్కా మసీదు పేలుళ్ల ఉదంతంలో ఆరోపణలు ఎదుర్కొన్న ఐదుగురిని ఎన్‌ఐఏ ప్రత్యేక న్యాయస్థానం నిర్దోషులుగా ప్రకటిస్తూ సోమవారం సంచలన తీర్పు వెలువరించింది. అయితే తీర్పు వెలువడిన తర్వాత రవీందర్‌రెడ్డి రాజీనామా చేయడంపై చర్చ మొదలైంది. తీర్పునకు సంబంధించిన అంశాలు కానీ, విచారణ ప్రక్రియకు సంబంధించిన అంశాలు కానీ ఏమైనా ఆయనపై ప్రభావం చూపాయా? అని న్యాయవర్గాల్లో విస్తృతమైన చర్చ జరుగుతోంది. రవీందర్‌రెడ్డి కరీంనగర్ జిల్లా వాసి. రెండేళ్ల క్రితం ఏపీకి చెందిన వారిని తెలంగాణలో జడ్జీలుగా నియమించవద్దని తెలంగాణకు చెందిన 11మంది న్యాయమూర్తులు ఆందోళన చేశారు. ఆ సమయంలో సస్పెండైన 11మందిలో రవీందర్‌రెడ్డి కూడా ఉన్నారు. అనంతరం తెలంగాణ ప్రత్యేక హైకోర్టు ఏర్పాటు చేయాలని డిమాండ్ చేస్తూ రాజీనామా చేసి సంచలనం సృష్టించారు. మరోవైపు తెలంగాణ న్యాయాధికారుల సంఘంలో ఆయన కీలక పాత్ర పోషిస్తున్నారు. వీటితోపాటు ఇటీవల ఒక న్యాయవాది ఆయనపై ఏసీబీకి ఫిర్యాదు చేశారనే వాదన కూడా ఉంది. ప్రస్తుతం ఆయన తన రాజీమానాపై స్పందించేందుకు అందుబాటులోకి రాలేదు. ఆయన రాజీనామాకు దారితీసిన నిర్ధిష్టమైన కారణాలు తెలియాల్సి ఉంది. తీర్పు అనంతరం ఆయనకు బెదిరింపు కాల్స్ వచ్చాయని జాతీయ మీడియా, సామాజిక మాధ్యమాల్లో ప్రధాన అంశంగా చర్చ సాగింది. మరోపక్క తీవ్ర మనోవ్యధతో న్యాయమూర్తి బాధపడుతున్నారన్న వాదనా ప్రచారంలో ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.