రాష్ట్రీయం
ఫిబ్రవరిలో భగవద్రామానుజుల వారి విగ్రహావిష్కరణ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 24: ప్రపంచమంతా కలిసి ఉండాలని చాటి చెప్పిన మహానుభావుడు భగవద్రామానుజులవారని దేవనాథ రామానుజ జీయరు స్వామి అన్నారు. మంగళవారం ఆయన ‘ఆంధ్రభూమి’తో మాట్లాడుతూ వెయ్యేళ్లకు ముందు భిన్నాభిప్రాయాలతో ఉన్న సమాజాన్ని ఏకతాటిపైకి తీసుకువచ్చి, సమసమాజ స్థాపనకు రామానుజుల వారు కృషి చేశారని అన్నారు. అయితే, మళ్లీ సమాజం గతి తప్పింది. గతతప్పిన సమాజాన్ని రామానుజుల వారి సిద్ధాంత బోధనల ద్వారా మళ్లీ ఒక్కటిగా చేయాలన్న సంకల్పంతో ఆయన సిద్ధాంతాలను పూర్తిగా అర్థం చేసుకున్న శ్రీశ్రీశ్రీ త్రిదండి చిన శ్రీమన్నారాయణ రామానుజ జీయరు స్వామి సమతా మూర్తి స్ఫూర్తి కేంద్రాన్ని ఏర్పాటు చేస్తున్నారని చేస్తున్నారని చెప్పారు. రామానుజుల వారి సహస్త్రాబ్ది ఉత్సవాలను పురస్కరించుకుని షంషాబాద్‌లో 216 అడుగుల భగవద్రామానుజుల వారి విగ్రహాన్ని ఏర్పాటు చేస్తున్నారని స్వామి తెలియచేశారు. ఇప్పటికే ఈ విగ్రహ నిర్మాణం దాదాపూ పూర్తయింది. ఈ విగ్రహ ప్రాంగణంలోనే వైష్ణవ సంప్రదాయాలతో ఉండే 108 దివ్య ఆలయాలను కూడా నిర్మిస్తున్నారని ఆయన చెప్పారు. ఇందులో 106 ఆలయాలను మాత్రమే భక్తులు చూడగలిగారని, ఇప్పటి వరకూ భక్తులెవ్వరు దర్శించలేని పాలకడలి, పరమపదము వైష్ణవాలయాల గురించి పురాణ, ఇతిహాసాల ద్వారా తెలుసుకుని ఆ రెండు ఆలయాలను కూడా అదే ప్రాంగణంలో నిర్మిస్తున్నట్టు స్వామి తెలియచేశారు. ఉమ్మడి ఆంధ్రప్రదేశ్‌గా ఉన్నప్పుడు శంషాబాద్‌లో విగ్రహ నిర్మాణంతో పాటు, స్ఫూర్తి కేంద్ర నిర్మాణం ప్రారంభమైంది. రాష్ట్రం విడిపోయిన తరువాత ఆంధ్రప్రదేశ్‌లో కూడా రామానుజుల వారి సిద్ధాంత వ్యాప్తికి చిన జీయరు స్వామి సంకల్పించారని ఆయన తెలియచేశారు. అందులో భాగంగానే విజయవాడ వద్ద ఉన్న సీతానగరంలోని విజయకీలాద్రి మీద 108 అడుగుల రామానుజుల వారి పంచలోహ విగ్రహాన్ని ఏర్పాటు చేయనున్నట్టు దేవనాధ రామానుజ జీయరు స్వామి తెలియచేశారు. దీని నిర్మాణం క్రమ క్రమగా జరుగుతోంది. షంషాబాద్ ఆశ్రమం వద్ద 216 అడుగుల విగ్రహ నిర్మాణం పూర్తయింది. మొదట విగ్రహాన్ని ఆవిష్కరించి, ఆలయాలను మరోసారి ఆవిష్కరించుకోవాలని అనుకున్నాం. ఇది వెయ్యి కోట్ల ప్రాజెక్ట్ కాబట్టి ఆవిష్కరణల కార్యక్రమాలను మూడు విడతల్లో చేయాలనుకున్నాం. నిధుల కొరత వలన కొంత స్ఫూర్తి కేంద్రం ఏర్పాటులో జాప్యం జరిగింది. అందువలన ప్రాజెక్ట్ మొత్తం పూర్తయిన తరువాతే ఆవిష్కరణ కార్యక్రమం చేపట్టాలని నిర్ణయించామని స్వామి తెలిపారు. పనులు కొలిక్కి వస్తున్న నేపథ్యంలో ఫిబ్రవరిలో రామానుజుల వారి స్ఫూర్తి కేంద్రాన్ని ఆవిష్కరించాలని భావిస్తున్నామని స్వామి చెప్పారు. విళంబినామ సంవత్సరంలో ఈ ప్రాజెక్ట్‌ను సమాజానికి అందించనున్నారని తెలిపారు. విళంబినామ సంవత్సరంలో శ్రీరామచంద్రుడు అవతరించాడు. కలియు వైకుంఠ స్వామి పద్మావతిని పరిణయమాడాడు. అందుకే ఈ సంవత్సరంలోనే ఈ ప్రాజెక్ట్‌ను ఆవిష్కరిస్తామని దేవనాథ రామానుజ జీయరు స్వామి తెలియచేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.