రాష్ట్రీయం
రామచంద్రారెడ్డి కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: పంచాయితీరాజ్ వ్యవస్థ బలోపేతం చేసిన తొలితరం నాయకుడు, మాజీ మంత్రి పి రామచంద్రారెడ్డి ఆదివారం కన్నుమూశారు. రెండు రోజుల క్రితం బాత్‌రూమ్‌లో జారిపడిన ఆయన ఎస్‌ఆర్ నగర్‌లోని ఆయన స్వగృహంలో తుదిశ్వాస విడిచారు. వృత్తిరీత్యా న్యాయవాది అయిన రామచంద్రారెడ్డి 1962లో తొలిసారి సంగారెడ్డి అసెంబ్లీ నియోజక వర్గం నుంచి పోటీ చేసి గెలుపొందారు. ఆపై 1971, 1983, 1985, 1989 సంవత్సరాలలో ఎన్నికల్లో విజయం సాధించారు. చెన్నారెడ్డి, జనార్థన్‌రెడ్డి మంత్రివర్గంలో మంత్రిగా, అసెంబ్లీ స్పీకర్‌గా
సేవలందించారు. ఆయనకు భార్య ఇద్దరు కుమారులు, ఓ కుమార్తె ఉన్నారు. రామచంద్రారెడ్డి మరణ వార్తను తెలుసుకున్న గవర్నర్ నర్సింహన్, సీఎం కేసీఆర్ ప్రగాఢ సంతాపాన్ని వ్యక్తం చేశారు. శాసన మండలి చైర్మన్ స్వామిగౌడ్, కాంగ్రెస్ పలువురు నేతలు ఆయన భౌతికకాయాన్ని సందర్శించి కుటుంబ సభ్యులకు సంతాపాన్ని ప్రకటించారు. ఉమ్మడి ఆంధ్రలో మంచి స్పీకర్‌గా, మంత్రిగా పనిచేసి ప్రజల మన్ననలు అందుకున్న ఆయన అంత్యక్రియలను ప్రభుత్వ అధికార లాంఛనాలతో నిర్వహించాలని ముఖ్యమంత్రి ఆదేశించారు. దీంతో అధికారులు కుటుంబ సభ్యుల సూచించిన జూబ్లీహిల్స్ విస్పర్ వ్యాలీ సమీపంలోని స్మశానవాటికలో ప్రభుత్వ అధికారిక లాంఛనాలతో అంత్యక్రియలను నిర్వహించారు.
మాజీ మంత్రి పి రామచంద్రారెడ్డి ( ఫైల్‌పొటో )
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.