రాష్ట్రీయం
అడుగడుగునా భరోసా
S ,7 à 8 RSCA (si SASPAS) et 6 cialis pharmacie cialis rapports de stage.
ద్వారకాతిరుమల: రాష్ట్ర ప్రజల్లో భవిష్యత్తు స్ఫూర్తిని రగిలిస్తూ వైసీపీ అధినేత జగన్మోహన్‌రెడ్డి చేబట్టిన ప్రజా సంకల్ప యాత్ర పశ్చిమ గోదావరి జిల్లాలో నాలుగో రోజైన గురువారం ఉత్సాహభరితంగా సాగింది.
దెందులూరు మండలంలో ప్రారంభమైన యాత్ర రాజా పంగిడిగూడెం మీదుగా ద్వారకాతిరుమల మండలంలోకి ప్రవేశించింది. అడుగడుగునా అంతులేని వెతలు..వ్యవసాయమందక ఆవేదనలో రైతులు.., సంక్షేమం దూరమై బతుకీడుస్తున్న నిరుపేదలకు..నేనున్నానని భరోసా ఇస్తూ ఈ ప్రజా సంకల్ప యాత్ర మండలంలోని పలు గ్రామాల్లో ముందుకు సాగింది. రాజా పంగిడిగూడెం, సూర్యచంద్రరావుపేట, గొల్లగూడెం, తిరుమలంపాలెం, పావులూరివారి గూడెం గ్రామాల్లో జరిగిన ఈ సంకల్ప యాత్ర లో ప్రజలు జగన్‌కు బ్రహ్మరథం పట్టారు. చిరునవ్వుతో ఆడపడుచులను ఆశీర్వదిస్తూ, పిల్లలను, వృద్ధులను ముద్దాడుతూ, అన్ని వర్గాల ప్రజలకు భరోసానిస్తూ జగన్ ముందుకు సాగారు. పాదయాత్ర చేబట్టిన గ్రామాల్లో ట్రాఫిక్ సమస్య తలెత్తకుండా పోలీసులు అన్ని ఏర్పాట్లు చేశారు. జగన్ ప్రజల నుంచి పలు సమస్యలపై వినతులు స్వీకరించారు. మండలంలోని సిహెచ్ పోతేపల్లిలోని గిరియమ్మ ఎత్తిపోతల పథకం పనులు దివంగత మాజీ ముఖ్యమంత్రి వైఎస్ రాజశేఖర్‌రెడ్డి హయాంలో సుమారు రూ.8కోట్లతో చేబట్టారని, ఆఖరి దశలో ఉన్న ఈ పనులను టీడీపీ ప్రభుత్వం నిలిపివేయడం వల్ల పూర్తికాలేదని పలువురు జగన్‌కు వినతిపత్రం సమర్పించారు. ఈ పనులు పూర్తయితే ద్వారకాతిరుమల, కామవరపుకోట మండలాల్లోని 7 వేల ఎకరాలకు సాగునీరందుతుందని ఈ సందర్భంగా రైతులు జగన్‌కు తెలిపారు. దీనిపై తగు చర్యలు చేపడతామని జగన్ రైతులకు స్పష్టమైన హామీ ఇచ్చారు. అనంతరం ముదిరాజ్ వర్గీయులు కొందరు జగన్‌ను కలిసి తమ సామాజిక వర్గానికి ప్రత్యేక కార్పోరేషన్ ఏర్పాటుచేయాలని, అదే విధంగా బీసీ బీలో ఉన్న తమని ఏకు మార్పుచేయాలని విజ్ఞప్తి చేశారు.
చిత్రం..పాదయాత్రలో పాల్గొన్న జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.