రాష్ట్రీయం
ఏవోబీలో మావోయిస్ట్ ఎన్‌కౌంటర్
S ,7 à 8 RSCA (si SASPAS) et 6 cialis pharmacie cialis rapports de stage.
పాడేరు/సీలేరు, మే 18: విశాఖపట్నం జిల్లా, పాడేరు సమీపంలోని ఆంధ్ర-ఒడిశా సరిహద్దు ప్రాంతంలో పోలీసులు, మావోయిస్టులకు మరోసారి ఎదురుకాల్పులు జరిగాయి. ఈ కాల్పుల్లో మావోయిస్ట్ మృతి చెందగా పలువురు మావోయిస్టులు తప్పించుకున్నారు. ఏవోబీలో గురువారం ఉదయం పోలీసులకు, మావోయిస్టులకు మధ్య భీకరమైన కాల్పులు జరగడం, మావోయిస్టులు చాకచక్యంగా తప్పించుకోవడం పాఠకులకు తెలిసిందే. అయితే, ఈ కాల్పుల అనంతరం ఆ ప్రాంతంలో పోలీసు బలగాలను భారీగా మోహరించి విస్తృతంగా కూంబింగ్ నిర్వహిస్తుండగా గురువారం అర్ధరాత్రి సమయంలో పోలీసులకు జోడం గ్రామ సమీపాన అటవీ ప్రాంతంలో మావోయిస్టులు తారసపడ్డారు. ఇరువర్గాల మధ్య మరోసారి కాల్పుల ఘటన చోటుచేసుకోగా మావోయిస్టు మృతి చెందాడు. మృతుడు ఛత్తీస్‌గఢ్‌కు చెందిన రామ్‌గా గుర్తించారు. మృతదేహాన్ని పోలీసులు ఒడిశాలోని మల్కన్‌గిరికి తరలించారు. కాగా, గురువారం అర్ధరాత్రి జరిగిన ఎదురుకాల్పుల ఘటన స్థలంలో రెండు తుపాకీలు, కిట్ బ్యాగ్‌లు లభ్యమైనట్టు సమాచారం. పోలీసులు వీటిని స్వాధీనం చేసుకుని నిశితంగా పరిశీలిస్తున్నారు. ఏవోబీలో ఇరవై నాలుగు గంటల వ్యవధిలో పోలీసులకు, మావోయిస్టులకు మధ్య రెండుసార్లు ఎదురు కాల్పుల ఘటన చోటుచేసుకోవడంతో ఆ ప్రాంతమంతా యుద్ధ వాతావరణం అలముకోవడంతో ఆదివాసీలు తీవ్ర ఆందోళన చెందుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.