రాష్ట్రీయం
ఇక గెలుపు పరుగు
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్, మే 19: అడ్డదారిన పీఠమెక్కేందుకు ప్రయత్నించిన బీజేపీ ఆటలను కాంగ్రెస్ సాగనివ్వలేదని, కర్నాటకలో కాంగ్రెస్ విజయం 2019లో అటు దేశంలోను, ఇటు రాష్ట్రంలోను కాంగ్రెస్ విజయానికి నాంది అని పీసీసీ చీఫ్ ఉత్తమ్‌కుమార్ రెడ్డి అన్నారు. కర్నాటకలో అడ్డదారిన అధికారంలోకి రావాలని బీజేపీ ఎన్ని కుట్రలు, కుతంత్రాలు పన్నినా విఫలమయ్యారని అన్నారు. మూడో విడత బస్సుయాత్రలో పాల్గొనేందుకు వరంగల్ రూరల్ జిల్లా వర్ధన్నపేటకు వెళ్తూ హన్మకొండ హరిత హోటల్‌లో ఏర్పాటు చేసిన మీడియా సమావేశంలో ఆయన మాట్లాడారు. కర్నాటకలో కాంగ్రెస్, జేడీ(ఎస్) ఎమ్మెల్యేలను ప్రలోభాలకు, బెదిరింపులకు గురిచేసి అధికారంలోకి రావాలని బీజేపీ ఎన్నికుట్రలు పన్నిన అక్కడి ఎమ్మెల్యేలు ధీటుగా ఎదుర్కొని విజయం సాధించారన్నారు. దేశంలో ప్రజాస్వామ్యం బలంగా ఉందని, అందుకే కర్నాటకలో కాంగ్రెస్, జేడీ(ఎస్) కూటమి అధికారంలోకి రాబోతుందన్నారు. ప్రధాని మోదీ, బీజేపీ జాతీయాధ్యక్షుడు అమిత్ షా కుట్రలకు ఇక నూకలు
చెల్లాయని, 2019లో కేంద్రంలో రాహుల్‌గాంధీ ప్రధాని కావడంతోపాటు తెలంగాణలో కాంగ్రెస్ అధికారంలోకి వస్తుందని ధీమా వ్యక్తం చేశారు. కర్నాటక గవర్నర్ కేంద్రం ఏజెంటుగా పని చేస్తున్నారని, కర్నాటకలో కాంగ్రెస్, జేడీ(ఎస్) కూటమి అధికారంలోకి వచ్చే అవకాశాలు ఉన్నప్పటికీ కేంద్రం నుంచి గవర్నర్‌ను ప్రభావితం చేసి దొడ్డిదారిన అధికారం చేపట్టాలని బీజేపీ శతవిధాల ప్రయత్నం చేసిందని ఆరోపించారు. కర్నాటకలో ఉన్న రాజకీయ పరిస్థితుల నేపథ్యంలో అక్కడి కాంగ్రెస్ ఎమ్మెల్యేలు హైదరాబాద్‌లో సీఎల్‌పీ సమావేశం నిర్వహించుకోవడం తమకు సంతోషాన్ని ఇచ్చిందన్నారు. కర్నాటకలో తాజాగా జరిగిన పరిణామాలు, తిరిగి తమ కూటమి అధికారం చేపట్టే అవకాశం రావడంతో వారు వరంగల్‌లో సంబరాలు జరుపుకున్నారు. ఈసందర్భంగా స్వీట్లు తినుపించుకున్నారు. సమావేశంలో నర్సంపేట ఎమ్మెల్యే దొంతి మాధవరెడ్డి, టీపీసీసీ సభ్యుడు ఇనగాల వెంకట్రామ్‌రెడ్డి, అఖిల భారత మహిళా కాంగ్రెస్ నేత సీతక్క, మాజీ ఎంపీ డాక్టర్ విజయరామారావు, ఏఐసీసీ నేత బక్క జడ్సన్, డీసీసీ అధ్యక్షుడు నాయిని రాజేందర్‌రెడ్డి, మాజీ ఎమ్మెల్యే వేం నరెందర్‌రెడ్డి, నాయకులు మేకల ఉపేందర్, పసునూరి మనోహర్ ఉన్నారు.
చిత్రం..కర్నాటక విజయంపై ఆనందంతో
టీపీసీసీ చీఫ్ ఉత్తమ్‌కుమార్రెడ్డికి స్వీట్లు తినిపిస్తున్న నర్సంపేట ఎమ్మెల్యే దొంతి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.