రాష్ట్రీయం
యాదాద్రి కిటకిట!
S ,7 à 8 RSCA (si SASPAS) et 6 cialis pharmacie cialis rapports de stage.
యాదగిరిగుట్ట, మే 20: శ్రీలక్ష్మీనరసింహస్వామి వారి దర్శనార్థం వచ్చిన భక్తులతో యాదాద్రి కొండ ఆదివారం పోటెత్తింది. స్వామివారి దర్శనం కోసం ప్రత్యేక క్యూలైన్లు, శీఘ్ర దర్శనం, అతి శీఘ్ర దర్శనం, ధర్మ దర్శనం, ప్రసాద విక్రయ కౌంటర్ల వద్ద భక్తులు గంటల తరబడి వేచి ఉండాల్సిన పరిస్థితి ఏర్పడింది. బాలాలయం, గర్భాలయంలోనికి భక్తులను అనుమతించకుండా కేవలం స్వర్ణ పుష్పార్చన చేసే భక్తులను మాత్రమే గర్భాలయంలోకి అనుమతించారు. సామాన్య భక్తులకు లఘు దర్శనం కల్పించారు. ఉదయం సుప్రభాతంతో స్వామి అమ్మవార్లను మేల్కొలిపి ఆలయ కైంకర్యాలు ప్రారంభించారు. ప్రతిష్ఠామూర్తులను ఆరాధన నిర్వహించిన పూజారులు స్వామి, అమ్మవార్ల ఉత్సవమూర్తులకు పంచామృతాలతో అభిషేకం చేయడంతోపాటు తులసీదళాలతో అర్చించి పూలతో అత్యంత సుందరంగా అలంకరించారు. కవచమూర్తులను స్వర్ణపుష్పాలతో అలంకరించి ఆరాధించారు. ఆలయ మహామండపంలో వేదపండితులు, అర్చకుల వేదమంత్రోచ్ఛారణల మధ్య స్వామి అమ్మవార్ల కల్యాణోత్సవాన్ని పంచరాత్ర ఆగమశాస్త్ర ప్రకారం నిర్వహించారు. అంతకుముందు స్వామి, అమ్మవార్ల ఎదుట శ్రీసుదర్శన నారసింహ హోమం, యజ్ఞం జరిపారు. కల్యాణ మహోత్సవానికి ముందుగా స్వామి అమ్మవార్లను అలంకరించిన గజవాహనంపై సేవ ఉత్సవాన్ని నిర్వహించారు. బాలాలయంలో ఉదయం నుంచి సాయంత్రం వరకు కొనసాగిన అష్టోత్తర, సహస్రనామార్చనలో భక్తులు అధిక సంఖ్యలో పాల్గొన్నారు. సాయంత్రం స్వామి అమ్మవార్ల వెండి జోడి సేవ ఉత్సవాన్ని నిర్వహించారు. పాలకుర్తి ఎమ్మెల్యే ఎర్రబెల్లి దయాకర్‌రావు స్వామివారిని దర్శించుకొని ప్రత్యేక పూజలు జరిపారు. ఆలయ అర్చకులు ఎర్రబెల్లికి ఆశీర్వచనాలు చేశారు.
చిత్రాలు..స్వామివారికి గజవాహన సేవ
*కిటకిటలాడుతున్న క్యూలైన్లు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.