రాష్ట్రీయం
జానా ఇటు... భట్టి అటు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 17: సార్వత్రిక ఎన్నికలకు మరో 10 నెలల వ్యవధి మాత్రమే ఉండడంతో, తెలంగాణలో పార్టీని మరింత పటిష్టంగా, సమర్థంగా ముందుకు నడిపించేందుకు టీ.పీపీసీ అధ్యక్షుడు ఎన్. ఉత్తమ్‌కుమార్ రెడ్డి ‘పావులు’ కదుపుతున్నారు. ఈ నెలాఖరులోగా భారీగా మార్పులు జరిగే సూచనలు కనిపిస్తున్నాయి. మూడు రోజుల పాటు ఢిల్లీలో ఎఐసిసి ముఖ్య నాయకులతో ఉత్తమ్ మంతనాలు జరిపారు. తాను చేయాలనుకుంటున్న మార్పుల గురించి ఎఐసిసి నాయకులు అశోక్ గెహ్లట్, అహ్మద్ పటేల్, కొప్పుల రాజు, సూర్జీవాలా ప్రభృతుల ముం దు ప్రతిపాదనలు ఉంచారు. ఉత్తమ్ కుమార్ ప్రతిపాదనల పట్ల వారు సానుకూలంగా స్పందించారు. అయితే దీనికి ఎఐసిసి అధ్యక్షుడు రాహుల్ గాంధీ ఆమోద ముద్ర వేయాల్సి ఉంది. టీ.పీసీసీ, సీఎల్‌పీ కమిటీల్లో మార్పులు చేయాలని, పార్టీ సమన్వయ కమిటీ, ఎన్నికల ప్రచార కమిటీ, ఎన్నికల ప్రణాళిక కమిటీలకు ఎవరెవరు ఉండాలన్న ప్రతిపాదనలతో ఉత్తమ్ ఢిల్లీ వెళ్ళారు. ప్రతి కమిటీలోనూ అన్ని కులాలకు గౌరవ ప్రదమైన స్థానం కల్పించాలని, మహిళలకూ గుర్తింపునివ్వాలని ఆయన భావిస్తున్నారు.
సీఎల్‌పీ నేతగా విక్రమార్క!
టీ.పీసీసీ అధ్యక్షుడు, సిఎల్‌పి నేత ఇరువురూ ‘రెడ్డి’ సామాజికవర్గానికి చెందిన వారే ఉండడం వల్ల కొంత విమర్శను ఎదుర్కొవాల్సి వస్తున్నదని ఉత్తమ్ ఆలోచిస్తున్నట్లు సమాచారం. పైగా అసెంబ్లీలో కొన్ని సందర్భాల్లో జానారెడ్డి గట్టిగా ప్రభుత్వాన్ని నిలదీయడం లేదని, ‘పెద్దలు జానారెడ్డిగారూ..’ అని ముఖ్యమంత్రి సంభోదించడంతోనే ఆయన మెత్తబడిపోతున్నారన్న విమర్శ లేకపోలేదు. టీ.పీసీసీ వర్కింగ్ ప్రెసిడెంట్‌గా ఉన్న ఎమ్మెల్యే మల్లు భట్టివిక్రమార్కను సీఎల్‌పీ నేతగా నియమిస్తే బాగుంటుందని ఆయన అభిప్రాయపడుతున్నారు. దళితుడిని సీఎల్‌పీ నేతగా నియమిస్తే, అధికార పార్టీ ఇష్టానుసారంగా మాట్లాడలేదని ఉత్తమ్ ఎత్తుగడ. ఏదైనా అనరాని మాటలు అంటే దళితుడిని అవమానించారంటూ నిలదీయడానికి ఉపయోగపడుతుందని, పైగా దళిత ఎమ్మెల్యేకు గుర్తింపునిచ్చినట్లు అవుతుందని ఆయన భావన.
జానారెడ్డి అంగీకరిస్తారా?
ప్రతిపక్ష నేతగా ఉన్న సీఎల్‌పీ నాయకుడు కె. జానారెడ్డి ఈ ప్రతిపాదనకు అంగీకరిస్తారా? అనే అనుమానాలూ లేకపోలేదు. సీనియర్ నాయకుడు, వివిధ మంత్రి పదవులు నిర్వహించి, అపారమైన అనుభవం ఉన్న జానారెడ్డిని సిఎల్‌పి నేత బాధ్యత నుంచి ఎలా తప్పిస్తారన్న ప్రశ్న తప్పకుండా తలెత్తుతుంది. అయితే జానారెడ్డి సేవలను పార్టీకి ఇంకా ఎక్కువ ఉపయోగించుకోవాలని ఉత్తమ్ భావిస్తున్నారు. పార్టీ ఎన్నికల ప్రచార కమిటీ బాధ్యతను పూర్తిగా అప్పగించాలని ఉత్తమ్ ఆలోచనగా కనిపిస్తున్నది. పార్టీ ఎన్నికల ప్రణాళిక కమిటీలోనూ ప్రాధాన్యతనివ్వాలనుకుంటున్నట్లు సమాచారం. పార్టీలో సీనియర్ నాయకులందరికీ బాధ్యతలు అప్పగించాలని, పార్టీ సమన్వయ కమిటీనీ మరింత పటిష్టవంతం చేయాలని, పార్టీ అనుబంధ విభాగాలను చురుగ్గా పని చేయిస్తూ, ఆ విభాగాల సేవలనూ ఉపయోగించుకుని వచ్చే ఎన్నికల్లో లక్ష్యంగా పెట్టుకోవాలని ఉత్తమ్‌కుమార్ రెడ్డి భావిస్తున్నట్లు విశ్వసనీయవర్గాల సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.