రాష్ట్రీయం
‘నీట్’ నిర్లక్ష్యం మెరిట్‌కు శాపం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం: నీట్ కౌనె్సలింగ్‌లో తప్పిదాలు మెరిట్ అభ్యర్థులకు శాపంగా పరిణమిస్తున్నాయి. వెబ్ కౌనె్సలింగ్‌లో వైద్య కళాశాలల జాబితాలో ప్రముఖ వైద్య కళాశాలలు కనిపించకుండా చేశారు. దీంతో అఖిల భారత స్థాయిలో మెరిట్ విద్యార్థులకు సీట్లు దక్కకుండా పోయాయి. మొదటి కౌనె్సలింగ్‌లో అవకాశం లేకపోయినా, రెండో కౌనె్సలింగ్‌లో చూద్దాంలెండి అంటూ హెల్త్ యూనివర్శిటీల వైస్‌ఛాన్స్‌లర్స్ చెప్పి, చేతులు దులుపుకొన్నారు. ఈ పరిస్థితి ఇలా ఉంటే, ఆల్ ఇండియా పూల్‌లో ఉన్న సీట్లలో ఓబీసీలకు 27 శాతం రిజర్వేషన్ కల్పించాల్సి ఉంది. కానీ వెబ్‌సైట్‌లో కేవలం 6.3 శాతం రిజర్వేషన్ మాత్రమే కనిపిస్తోంది. దీనివలన అఖిల భారత స్థాయిలో సుమారు 830 మంది ఓబీసీ విద్యార్థులు రిజర్వేషన్లను కోల్పోనున్నారు. జాతీయ స్థాయిలో జరుగుతున్న ఈ తప్పిదాన్ని ఏ ప్రభుత్వమూ గుర్తించకపోవడం గమనార్హం. దీనికి సంబంధించిన వివరాలు ఇలా ఉన్నాయి. దేశంలోని అన్ని మెడికల్ కళాశాలల నుంచి ఆయా నిష్పత్తులను బట్టి కొన్ని సీట్లను ఆల్ ఇండియా పూల్ కోటాకు వదిలేయాల్సి ఉంటుంది. ఇలా ఆల్ ఇండియా పూల్‌లో 3,300 సీట్లు ఉన్నాయి. వీటిలో ఓబీసీలకు 27 శాతం రిజర్వేషన్ కల్పించాలన్న స్పష్టమైన నిబంధన ఉంది. అంటే సుమారు 830 సీట్లు ఓబీసీలకు రావల్సి ఉంది. కానీ ప్రస్తుతం వెబ్‌సైట్‌లో కేవలం 64 సీట్లు మాత్రమే దర్శనమిస్తున్నాయి.
అంటే, 6.3 శాతం రిజర్వేషన్ మాత్రమే ఓబీసీలకు దక్కుతోందన్నమాట. ఇది పొరపాటా? ఓ పథకం ప్రకారం రిజర్వేషన్‌ను తగ్గించారా? లేక దీని వెనుక ఎవరి హస్తమైనా ఉందా? అన్నది అర్థం కావడం లేదు. ఈ విషయమై ఎంపీసీ, డైరక్టర్ జనరల్ ఆఫ్ హెల్త్ అధికారులను అడిగినా, ప్రయోజనం కనిపించడం లేదు. దీంతో ఓబీసీ అభ్యర్థులు అయోమయానికి గురవుతున్నారు. ఓబీసీలకు జరుగుతున్న అన్యాయం పట్ల ఏ ప్రభుత్వం కూడా పట్టించుకోపోవడం శోచనీయం.
మనకు మనమే పోటీ!
ఇదిలా ఉండగా నీట్ కౌనె్సలింగ్‌లో జరుగుతున్న అవకతవకల వలన తెలుగు రాష్ట్రాల అభ్యర్థుల మధ్య పోటీ పెరిగిపోతోంది. ఆల్ ఇండియా పూల్‌లోకి తెలంగాణ నుంచి 180 సీట్లు వెళ్లాయి. ఆంధ్రప్రదేశ్ నుంచి 283 సీట్లు వెళ్లాయి. అయితే, ప్రస్తుతం వెబ్ ఆప్షన్‌లో తెలంగాణకు సంబంధించి 150 సీట్లు మాత్రమే మిస్ అయ్యాయి. ఒకవేళ ఈ సీట్లు ఆల్ ఇండియా పూల్‌లో ఉండి ఉంటే, ఈ సీట్లలో చాలా సీట్లు ఏపీ అభ్యర్థులకే దక్కేవి. కానీ వెబ్‌సైట్‌లో కాలేజీలు లేకపోవడంతో ఏపీ అభ్యర్థులు ఈ అవకాశాన్ని కోల్పోయారు. వీరంతా ఆల్ ఇండియా పూల్ కోటాలో ఉన్న సీట్లను దక్కించుకుని ఉంటే, రాష్టస్థ్రాయిలో జరిగే కౌనె్సలింగ్‌లో పాల్గొనరు. ఇప్పుడు ఆ అవకాశం లేకపోవడంతో త్వరలో జరగనున్న రాష్టస్థ్రాయి కౌన్సిలింగ్‌లో మెరిట్ అభ్యర్థులు సీట్ల కోసం పోటీ పడతారు. దాంతో సీటు దక్కించుకోడానికి కొద్దిపాటి అవకాశం ఉన్న అభ్యర్థులు సీట్లను కోల్పోవలసి ఉంటుంది. అలాగే, మంచి ర్యాంక్ వచ్చిన అభ్యర్థులు ఆల్ ఇండియా పూల్ కోటాలో సీటు దక్కించుకోలేకపోతున్నారు. ఏదో ఒక చోట సీటు సంపాదించి, సరిపెట్టుకోవలసి వస్తోంది.
ఆప్షన్ నమోదుకు సమయం పెంపు!
ఇదిలా ఉండగా వెబ్ ఆప్షన్ నమోదు సమయం మంగళవారం సాయంత్రం ఐదు గంటలతో ముగిసింది. కానీ ఈ సమయాన్ని రాత్రి 11 గంటల వరకూ పొడిగిస్తూ ఎంసీసీ నిర్ణయం తీసుకుంది. ఈ విషయాన్ని సా. 4.30 గంటలకు ప్రకటించడం వలన చాలా మంది అభ్యర్థులకు తెలియకుండాపోయింది. కాగా, వెబ్ ఆప్షన్‌లో జరిగిన అవకతవకలను సరిచేసి, కనీసం మరో మూడు రోజులపాటు ఆప్షన్స్ నమోదు సమయాన్ని పెంచాలని తెలుగు రాష్ట్రాల అభ్యర్థుల తల్లిదండ్రులు కోరుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.