రాష్ట్రీయం
భట్టి బ్యాచ్ ఢిల్లీకి ఎందుకో?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 20: టీపీసీసీ వర్కింగ్ ప్రెసిడెంట్ భట్టి విక్రమార్క, మరికొంత మంది రాష్ట్ర కాంగ్రెస్ ముఖ్యనేతలు ఢిల్లీకి వెళ్లడంలో ఆంతర్యం ఏమిటనే విషయంపై ఊహాగానాలు జోరందుకున్నాయి. టీపీసీసీ అధ్యక్షుడు ఉత్తమ్‌కుమార్ రెడ్డిని వెంటనే బాధ్యతల నుంచి తప్పించాలన్న డిమాండ్‌తోనే భట్టి నేతృత్వంలో ప్రతినిధుల బృందం న్యూఢిల్లీలో ఏఐసీసీ అధ్యక్షుడు రాహుల్ గాంధీని కలిసి కోరినట్లు జోరుగా ప్రచారం జరుగుతున్నది. బుధవారం భట్టితోపాటు ఎమ్మెల్యేలు డికె అరుణ, కోమటిరెడ్డి వెంకట రెడ్డి, రేవంత్ రెడ్డి తదితరులు రాహుల్‌ను కలిసి జన్మదిన శుభాకాంక్షలు తెలిపారు. ఈ సందర్భంగా రాహుల్ వారితో కొంత సేపు ముచ్చటించారు. ఆ సమయంలోనే వారు ఉత్తమ్‌పై ఫిర్యాదు చేసినట్లు కాంగ్రెస్ వర్గాల్లో ప్రచారం ప్రారంభమైంది. పార్టీలో అందరినీ కలుపుకొని పోవడం లేదని వారు ఆవేదన వ్యక్తం చేసినట్టు విశ్వసనీయ సమాచారం. ఇటీవల కాంగ్రెస్‌లో చేరిన ఎమ్మెల్యే రేవంత్ రెడ్డి కూడా పార్టీలో తనకు సరైన గుర్తింపు రావడం లేదని మీడియా ముందు ఆవేదన వ్యక్తం చేసిన సంగతి తెలిసిందే. ఇప్పుడు ఆయన కూడా భట్టి బృందంతో ఢిల్లీ వెళ్ళడం చర్చనీయాంశమైంది. కాగా, భట్టి మాత్రం తాము ఎవరిపైనా ఫిర్యాదు చేయలేదని చెప్పారు.
ఇలావుంటే, ఉత్తమ్‌కుమార్ బుధవారం తన జన్మదినోత్సవాన్ని గాంధీ భవన్‌లో పార్టీ కార్యకర్తల మధ్య నిర్వహించుకున్నారు. అనంతరం ఆయన మీడియాతో ఇష్టాగోష్టిగా మాట్లాడారు. కొంత మంది నాయకులు ఢిల్లీ వెళ్ళి మీపై ఫిర్యాదు చేసినట్టు జరుగుతున్న ప్రచారాన్ని ఆయన తోసిపుచ్చారు. తనపై ఫిర్యాదు చేసే అవకాశమే లేదని, అలా చేస్తారని తాను అనుకోవడం లేదని స్పష్టం చేశారు. రాహుల్‌ను కలిసి జన్మదినోత్సవ శుభాకాంక్షలు తెలిపేందుకు ఢీల్లీ వెళ్ళారని ఆయన చెప్పారు. పార్టీలో నాయకుల మధ్య విభేదాలు ఏమీ లేవని, అందరమూ కలిసి పని చేస్తున్నామని తెలిపారు. వచ్చే ఎన్నికల్లో పార్టీని గెలిపించేందుకు అందరం సమష్టిగా పని చేస్తున్నామని ఆయన తెలిపారు. ఇటీవల తాను రాహుల్ గాంధీతో సమావేశమైనప్పుడు పార్టీని క్షేత్ర స్థాయి నుంచి పూర్తి స్థాయిలో బలోపేతం చేసే అంశాలపై చర్చించినట్లు ఆయన తెలిపారు. 30 వేలకు పైగా ఉన్న పోలింగ్ కేంద్రాలకు 14 చొప్పున కమిటీలను నియమించి, మొత్తం నాలుగున్నర లక్షల మందితో కాంగ్రెస్ సైన్యాన్ని తయారు చేయడమే తమ ముందు ఉన్న ప్రధాన కర్తవ్యమని ఆయన తెలిపారు. అదేవిధంగా శక్తి ఆప్‌ను విస్తృత పరిచేందుకు ఎక్కువ శ్రద్ధ చూపుతున్నామని, ఇవి పూర్తిగా రాహుల్ ఆదేశాల మేరకు జరుగుతున్నదని అన్నారు.
పంచాయతీ ఎన్నికల్లో రాష్ట్ర ప్రభుత్వం లోపభూయిష్టమైన విధానాలతో సిద్ధం అవుతున్నదని ఉత్తమ్‌కుమార్ విమర్శించారు. బీసీ రిజర్వేషన్ల విషయంలో జనాభా గణన చేయకుండా ఎలా ఏర్పాటు చేస్తారని, ఒక్కో దగ్గర ఒక్కో విధంగా బీసీల జనాభా వివరాలు ఉన్నాయని తెలిపారు. ఇలాఉండగా సీఎల్‌పీ నేత జానారెడ్డి జన్మదినోత్సవం సందర్భంగా పార్టీ నాయకులు, కార్యకర్తలు ఆయనకు శుభాకాంక్షలు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.