రాష్ట్రీయం
ప్రజలు తిరగబడతారు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 18: రాష్ట్ర ప్రభుత్వంపై ప్రజలు తిరగబడే రోజులు సమీపంలో ఉన్నాయని టీపీసీసీ అధ్యక్షుడు ఉత్తమ్‌కుమార్ రెడ్డి అన్నారు. హైదరాబాద్ నగరంలోని రోడ్ల దుస్థితి, తదితర సమస్యలపై జీహెచ్‌ఎంసీ కార్యాలయం ఎదుట ధర్నా చేసేందుకు బుధవారం నగర కాంగ్రె స్ అధ్యక్షుడు అంజన్‌కుమార్ యాదవ్ నేతృత్వంలో ఎమ్మెల్యే క్వార్టర్స్ నుంచి బయలుదేరిన నాయకులను, కార్యకర్తలను పోలీసులు ప్రధాన రోడ్డుపైనే అరెస్టు చేశారు. అంజన్‌కుమార్ యాదవ్‌ను, దేప భాస్కర్ రెడ్డి ఇంకా కొంత మంది నగర నాయకులను పోలీసులు నారాయణగూడ పోలీసు స్టేషన్‌కు తీసుకెళ్లారు. ఉత్తమ్‌కుమార్ రెడ్డి, శాసనమండలిలో ప్రతిపక్ష నేత మహ్మద్ షబ్బీర్ అలీ తదితరులు అక్కడికి చేరుకుని, పోలీసు స్టేషన్లో ఉన్న నేతలను కలుసుకున్నారు.అనంతరం ఉత్తమ్‌కుమార్ రెడ్డి మీడియాతో మాట్లాడుతూ నగరంలో రోడ్ల పరిస్థితి బాగా లేదని కమిషనర్‌కు చెప్పేందుకు వెళితే కూడా పోలీసులు అరెస్టు చేస్తారా? అని ప్రశ్నించారు. హైదరాబాద్‌ను ఇస్తాంబుల్, డల్లాస్‌లా తీర్చిదిద్దుతానని ముఖ్యమంత్రి కే. చంద్రశేఖర్ రావు ఎన్నికలకు ముందు ఇచ్చిన వాగ్దానం ఏమైందని ఆయన ప్రశ్నించారు. హైదరాబాద్‌లో కేవలం సీఎం క్యాంపు కార్యాలయం వద్దే రోడ్లు బాగున్నాయని ఆయన తెలిపారు. ఈ ప్రభుత్వం నిరసన తెలిపే స్వేచ్ఛ కూడా లేకుండా నియంతృత్వ ధోరణిని అవలంభిస్తున్నదని ఆయన విమర్శించారు. ఈ ప్రభుత్వంపై ప్రజలు తిరగబడే రోజులు వస్తున్నాయని ఉత్తమ్‌కుమార్ రెడ్డి అన్నారు. మహ్మద్ షబ్బీర్ అలీ మాట్లాడుతూ రాష్ట్రంలో ప్రజాస్వామ్యం ఖూనీ అవుతున్నదని విమర్శించారు. రోడ్లు బాగాలేకపోవడంతో ఆటోలో వెళుతున్న గర్భిణి మహిళకు ప్రసవం అయినట్లు తాను విన్నానని ఆయన చెప్పారు. అంజన్‌కుమార్ యాదవ్ మాట్లాడుతూ నగరం గుంతలమయం అయ్యిందని విమర్శించారు. నిరసన తెలిపేందుకు వెళుతున్న తమను పోలీసులు అరెస్టు చేశారని, ప్రజాస్వామ్యంలో నిరసన తెలిపే స్వేచ్ఛ కూడా లేదా? అని ఆయన ప్రశ్నించారు. వచ్చే ఎన్నికల్లో కాంగ్రెస్ అధికారంలోకి వస్తుందని ధీమాగా చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.