రాష్ట్రీయం
వజ్జల శివకుమార్‌కు దాశరథి అవార్డు 22న బహూకరణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 18: తెలంగాణ రాష్ట్ర ప్రభుత్వం ఏర్పాటు చేసిన ప్రతిష్టాత్మక ‘దాశరథి కృష్ణమాచార్య’ అవార్డు-2018’ కు ప్రముఖ కవి వజ్జల శివకుమార్ ఎంపిక య్యారు. సాంస్కృతిక శాఖ ఏర్పాటు చేసిన అవార్డు ఎంపిక కమిటీ ఈ నెల 11న సమావేశమై వజ్జల పేరును ఖరారు చేసింది. దాశరథి కృష్ణమాచార్య జయంతి సందర్భంగా ఈ నెల 22న ఏర్పాటు చేసే ప్రత్యేక కార్యక్రమంలో ఈ అవార్డును అందిస్తారు. అవార్డు కింద 1,01,116 రూపాయల నగదుతో పాటు జ్ఞాపిక, శాలువను అందచేస్తారు. ఈ మేరకు బుధవారం జీఓ జారీ అయింది. వజ్జల శివకుమార్ రాజన్న సిర్సిల్లా జిల్లా (గతంలో కరీంనగర్ జిల్లా) వేములవాడలో 1956 ఆగస్టు 3న జన్మించారు. వజ్జల సాంబశివశర్మ, రాధాబాయి ఆయన తల్లిదండ్రులు. 12 సంవత్సరాల వయస్సులోనే వేములవాడలో మిత్రులతో కలిసి సాహిత్యరంగ ప్రవేశం చేశారు. చొప్పకట్ల చంద్రవౌళి, కేశన్నగారి రాజశర్మ, మధు మృత్యుంజయ శర్మ వీరికి గురువులు. డాక్టర్ సీ. నారాయణరెడ్డి సాహిత్యోత్సవం సందర్భంగా వేములవాడలో 1976 లో జరిగిన కవి సమ్మేళనంలో బాలకవిగా కవితను వినిపించి, సినారేతోపాటు మహాకవి దాశరథి ఆశీస్సులు అందుకున్నారు. 1969లో కామారెడ్డి, కరీంనగర్‌లలో మిత్రులు వారాల ఆనంద్, జింబో, పీఎస్ రవీంద్రలతో కలిసి సాహితీ సంస్థలను ఏర్పాటు చేశారు. సాహితీ మిత్రులతో కలిసి ‘లయ’ సంకలనాన్ని వెలువరించారు. శివకుమార్ రాసిన ‘గోగుపువ్వు’, ‘పాలకంకులకల’, ‘దాఖలా’, ‘కలలసాగు’ సంకలనాలు వెలువడ్డాయి. గోగుపువ్వుకు కుందుర్తి ఫ్రీవర్స్ ఫ్రంట్ అవార్డు లభించింది. పాలకంకుల కలకు సీనారే పురస్కారం, ఇతర పురస్కారాలు లభించాయి. తెలంగాణ రచయితల వేదికతో కదిలి హైదరాబాద్ కేంద్రంగా మిత్రులతో కలిసి తెలంగాణ సాహిత్య సమాఖ్యను స్థాపించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.