రాష్ట్రీయం
నాటు పడవ బోల్తా... మత్స్యకారుడి గల్లంతు
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీకాకుళం, జూలై 21: తూర్పుగోదావరి జిల్లా పశుపులంక పడవ బోల్తా ఘటన మరవకముందే శ్రీకాకుళం జిల్లాలో శనివారం ఒక పడవ బోల్తాపడింది. ఎనిమిది మంది మత్స్యకారులతో వెళ్తున్న పడవ సముద్రతీరంలో బోల్తాపడింది. ముగ్గురు మత్స్యకారులు సురక్షితంగా ఒడ్డుకు చేరుకోగా, ఐదుగురి జాడ తెలియకుండా పోయింది. అయితే గాలింపు చర్యలు మొదలుపెట్టిన మెరైన్ పోలీసులు, అగ్నిమాపక సిబ్బంది నలుగురిని బోల్తాపడిన పడవను పగులగొట్టి రక్షించారు. ఒకరి జాడ తెలియలేదు. సంతబొమ్మాళి మండలం ఉమ్మలాడ తీరంలో శనివారం ఉదయం ఈ ఘటన చోటుచేసుకుంది. వీరంతా పది రోజుల క్రితం పారాదీప్ ప్రాంతానికి అత్యంత ఖరీదైన కోనాం చేప వేట కోసం బయలుదేరారు. వాతావరణ హెచ్చరికల నేపథ్యంలో తిరుగు ప్రయాణంకాగా, ఈ ప్రమాదం జరిగింది. విజయనగరం కలెక్టర్ హరిజవహార్‌లాల్ మత్స్యకారులు తీరంలో చిక్కుకున్న సమాచారాన్ని జిల్లా కలెక్టర్ కె.్ధనంజయరెడ్డికి అందజేసారు. వెంటనే కలెక్టర్ టెక్కలి ఆర్డీవో వెంకటేశ్వరరావుతో పాటు ఇతర శాఖల అధికారులను అప్రమత్తం చేసారు. అయితే, బోల్తాపడిన పడవలోనే మత్స్యకారులు ఉండి ఉంటారని భావించిన స్థానిక మత్స్యకారుల ఆలోచనలకు తగ్గట్టుగానే బోటును పోలీసులు, అగ్నిమాపక సిబ్బంది పగులగొట్టారు. దీంతో బర్రి తాతయ్య, పోలోడు, యాగేసు, గోవిందఅప్పన్న ప్రాణాలతో బయటపడ్డారు. గల్లంతు అయిన శ్రీనివాస్ కోసం గాలిస్తున్నారు. మరోవైపు పడవ బోల్తా ఘటనపై ముఖ్యమంత్రి చంద్రబాబు ఆరా తీశారు. గల్లంతైన మత్స్యకారుడి కోసం గాలింపు చర్యలు మరింత ముమ్మరం చేయాలని కలెక్టర్ ధనంజయరెడ్డిని ఆదేశించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.