రాష్ట్రీయం
ఉగ్రవాదులకు అందితే ముప్పే
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జూలై 21: రసాయన పదార్థాలు రెండు వైపులా పదునున్న కత్తి లాంటివని, వాటిని మానవహితంగా పారిశ్రామిక అవసరాలకు వాడుకుంటున్న తరుణంలో ఉగ్రవాదుల చేతికంది రసాయన ఆయుధాలుగా మారకుండా ముందస్తు భద్రత పాటించాలని పసిఫిక్ నార్త్‌వెస్ట్ నేషనల్ లేబొరేటరీ ప్రధాన శాస్తవ్రేత్త క్లిఫర్డ్ గ్లంజ్ అభిప్రాయపడ్డారు. గీతం డీమ్డ్ యూనివర్శిటీ వేదికగా రెండు రోజుల పాటు జరిగిన ఇండో-యూఎస్ వర్క్‌షాప్ శనివారం ముగింపు సందర్భంగా ఆయన మాట్లాడుతూ రసాయన దాడులు, ఆయుధాల వల్ల మానవ మనుగడ ప్రమాదంలో పడుతుందన్నారు. రసాయనాలతో ఏ విధంగా విధ్వంసం సృష్టించవచ్చో తీవ్రవాదులు పరిశోధనలు చేస్తుంటారన్నారు. పారిశ్రామిక అవసరాలకోసం నిల్వ చేసుకునే రసాయనాలను కట్టుదిట్టమైన భద్రత నడుమ ఉంచాలన్నారు. పరిశ్రమలు రసాయనాల భద్రతకు అత్యంత ప్రాధాన్యం ఇవ్వాలన్నారు. సంస్థకు చెందిన సీనియర్ శాస్తవ్రేత్త కెనె్నత్ ఫెర్గూసన్ మాట్లాడుతూ రసాయన దాడులు జరిగితే ఏ విధంగా అప్రమత్తం కావాలో వివరించారు. దాడులను ముందుగానే గుర్తించగలిగితే ప్రాణ, ఆస్తినష్ట నివారణ సాధ్యపడుతుందన్నారు. రసాయన ఆయుధాల తనిఖీ నిపుణుడు, ప్రొహిబిషన్ ఆఫ్ కెమికల్ వెపన్స్ నాణ్యత ప్రమాణాల అధికారి డాక్టర్ రామ్‌నారాయణ్ మాట్లాడుతూ రసాయన పరిశ్రలు పరిగే కొద్దీ సమస్యలు పెరుగుతున్నాయన్నారు. ప్రమాదకర రసాయనాలను ఉద్దేశపూర్వకంగా వాతావరణంలోకి విడిచిపెట్టి ప్రజారోగ్యాన్ని దెబ్బతీసే చర్యలపై చట్టాలను కఠినంగా అమలు చేయాలన్నారు. ఉగ్రవాదులు ప్రపంచంలో జరిపే దాడుల్లో రసాయన దాడులకూ తెగబడే ప్రమాదం ఉందన్న హెచ్చరికలు ఉన్నాయన్నారు. దీనిపై ప్రజలు, పరిశ్రమలను అప్రమత్తం చేసేందుకు అంతర్జాతీయ స్థాయిలో అవగాహన కార్యక్రమాలు, వర్క్‌షాప్‌లు అవసరమన్నారు. పసిఫిక్ నార్త్‌వెస్ట్ నేషనల్ లేబొరేటరీ శాస్తవ్రేత్త డాక్టర్ రాధాకిషన్ మోతుకూరి మాట్లాడుతూ రసాయన దాడులు జరిగిన సమయంలో నష్టనివారణ చర్యలు, రక్షణ వ్యూహాలను వివరించారు. అంతర్జాతీయంగా రూపొందించిన హెల్త్‌కోడ్ నంబర్ సహకారంతో రసాయన దాడుల సమయంలో ఏ విధమైన భద్రత చర్యలు పాటించవచ్చో తెలుస్తుందన్నారు. ఇండియన్ ఇనిస్టిట్యూట్ ఆఫ్ కెమికల్ టెక్నాలజీ శాస్తవ్రేత్త జీవీ మాధవ శర్మ మాట్లాడుతూ పారిశ్రామిక ఉత్పత్తుల రంగం ఉత్తర అమెరికా నుంచి యూరోపియన్ దేశాలకు అక్కడి నుంచి ఆసియా, ఆసియా పసిఫిక్ దేశాలకు విస్తరిస్తోందన్నారు. జాతీయం, అంతర్జాతీయంగా పరిశ్రమలకు అవసరమైన రసాయనాల రవాణ విషయంలో భద్రతకు అత్యంత ప్రాధాన్యత ఉందన్నారు. కార్యక్రమంలో గీతం యూజీసీ వ్యవహారాల డైరెక్టర్ ప్రొఫెసర్ సీహెచ్ రామకృష్ణ, పలు దేశాల నిపుణులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.