రాష్ట్రీయం
అవిశ్వాసంలో నైతిక విజయం మాదే
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జూలై 22: రాష్ట్రానికి ప్రత్యేక హోదా, విభజన హామీల అమలు విషయంలో కేంద్ర వైఖరికి నిరసనగా టీడీపీ ప్రవేశపెట్టిన అవిశ్వాస తీర్మానంలో నైతిక విజయం మాకే దక్కిందని రాష్ట్ర మంత్రి గంటా శ్రీనివాసరావు అన్నారు. విశాఖలో పార్టీ కార్యాలయంలో ఆదివారం ఏర్పాటు చేసిన విలేఖరుల సమావేశంలో ఆయన మాట్లాడారు. అవిశ్వాస తీర్మానంపై చర్చ సందర్భంగా ప్రధాన మంత్రి నరేంద్ర మోదీ పార్లమెంట్ సాక్షిగా పచ్చి అబద్దాలు మాట్లాడారన్నారు. విభజన హామీలన్నీ అమలు చేశామంటూ మోసపుచ్చుతున్నారని మండిపడ్డారు. ఒక రాష్ట్ర ముఖ్యమంత్రి, పార్లమెంట్ సభ్యులనుద్దేశించి హేళనగా మాట్లాడటం మంచిది కాదన్నారు. పార్లమెంట్ వేదికగా ప్రధాని లక్ష్యంగా రాష్ట్ర ప్రయోజనాల కోసం ఒక ప్రాంతీయ పార్టీ నిలదీయడం దేశ చరిత్రలోనే తొలిసారిగా పేర్కొన్నారు. బీజేపీ ఎంపీ హరిబాబు, ఆపార్టీ జాతీయ మహిళా నేత పురంధ్రీశ్వరి రాష్ట్రానికి అంతా చేసినట్టు చెప్పుకుంటున్నారని, ఇది ప్రజలను మోసపుచ్చడమేనన్నారు. విశాఖ కేంద్రంగా రైల్వే జోన్, కడప స్టీల్‌ప్లాంట్, దుగరాజపట్నం పోర్టు అంశాలను ఇప్పటికీ పరిశీలనలోనే ఉన్నట్టు చెప్పడం ద్వారా కేంద్రం చిత్తశుద్ధికి నిదర్శనమన్నారు. రాష్ట్రానికి ఇచ్చిన జాతీయ విద్యా సంస్థల్లో ఒక్కటైనా సొంత భవనాల్లో నడుస్తున్నాయా అని ప్రశ్నించారు. విశాఖలో ఐఐఎం శంకుస్థాపన చేసి వదిలేశారని, రాష్ట్రం ప్రహరీ నిర్మించిందన్నా రు. తాడేపల్లిగూడెంలో ఎన్‌ఐటీకీ శంకుస్థాపనే మిగిలిందన్నారు. సంస్థ లు మంజూరు చేసిన కేంద్రం వాటి నిర్వహణను విస్మరించిందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.