రాష్ట్రీయం
ఆలయ నిర్మాణాలకు 80 శాతం నిధులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 18: దేవాలయాల నిర్మాణానికి, మరమ్మతులకు దేవాదాయ, ధర్మాదాయ శాఖ 80 శాతం నిధులను ఇచ్చేందుకు నిర్ణయించింది. దేవాలయాల కమిటీ లేదా భక్తులు 20 శాతం నిధులు భరిస్తే సరిపోతుంది. ఈ మేరకు శనివారం జీఓ జారీ చేశారు. కొత్తగా ఆలయాలు నిర్మించుకునేందుకు, పాత ఆలయాల పునరుద్ధరణ కోసం దేవాదాయ, ధర్మాదాయ శాఖ కామన్ గుడ్ ఫండ్ (సీజీఎఫ్) నుండి నిధులిస్తుంది. ఆలయాల నిర్మాణానికి ప్రతిపాదనలు రూపొందించే కమిటీ లేదా భక్తులు దేవాదాయ శాఖకు లేదా ప్రభుత్వానికి పంపించే అంచనాల ప్రకారం 20 శాతం నిధులను సంబంధిత కమిటీ లేదా ప్రజలు మ్యాచింగ్ గ్రాంట్‌గా బ్యాంకులో డిపాజిట్ చేయాల్సి ఉంటుంది. గతంలో ఈ మ్యాచింగ్ గ్రాంట్ 33.33 శాతంగా ఉండేది. దేవాదాయ శాఖ 66.67 శాతం ఇచ్చేది. ఈ నిబంధనలో సవరణ చేస్తూ, దేవాలయ కమిటీ లేదా భక్తులు 20 శాతం నిధులను భరిస్తే సరిపోతుందని నిర్ణయించారు. మిగతా 80 శాతం నిధులు దేవాదాయ శాఖ ఇస్తుంది. అంటే దేవాదాయ శాఖ ఎక్కువ మొత్తంలో సీజీఎఫ్ నుండి నిధులు ఇచ్చేందుకు నిర్ణయించింది. అత్యధికంగా రూ.50 లక్షల వరకు సీజీఎఫ్ నుండి ఇవ్వాలని గత ఏడాది నిర్ణయించారు. దేవాదాయ శాఖ మంత్రి ఏ. ఇంద్రకరణ్‌రెడ్డి నేతృత్వంలో జరిగిన సమావేశంలో ఈ మేరకు నిర్ణయం తీసుకున్నారు. ఈ నిర్ణయం పట్ల అనేక మంది ముఖ్యమంత్రి కేసీఆర్‌ను అభినందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.