రాష్ట్రీయం
కేరళకు ఏపీ సహాయక బృందాలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైం): కేరళ రాష్ట్రానికి సహాయక చర్యలు అందించేందుకు ఆంధ్రప్రదేశ్ రాష్ట్ర విపత్తుల నిర్వహణ శాఖ రంగంలోకి దిగింది. అగ్నిమాపకశాఖ డైరెక్టర్ జనరల్ సత్యనారాయణ, రాష్ట్ర విపత్తుల నిర్వహణ శాఖ కమిషనర్ ఎంవి శేషగిరిబాబు నేతృత్వంలో ప్రత్యేక సహాయక బృందాలు శనివారం కేరళకు బయలుదేరాయి. గడిచిన వందేళ్ళలో ఎన్నడూ లేని విధంగా ప్రకృతి విలయతాండవం గత తొమ్మిదిరోజులుగా కేరళ రాష్ట్రాన్ని అతలాకుతలం చేస్తోంది. జల విలయంలో చిక్కుకుని కుదేలవుతున్న కేరళ రాష్ట్రానికి సహాయక చర్యలు అందించేందుకు ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబునాయుడు ఆదేశాల మేరకు విపత్తుల నిర్వహణ శాఖ ప్రత్యేక బృందాలు గన్నవరం నుంచి ప్రత్యేక విమానంలో వెళ్ళాయి. ఈ ప్రత్యేక సహాయక బృందంలో 66మంది అగ్నిమాపక సిబ్బంది, ఒక ఎన్‌డిఆర్‌ఎఫ్ బృందం, ఒక జిల్లా ఫైర్ అధికారి, ఒక అసిస్టెంట్ ఫైర్ అధికారి, ఐదుగురు స్టేషన్ ఫైర్ అధికారులు, ఒక విపత్తుల నిర్వహణ శాఖాధికారి, ఒక బోటు మెకానిక్, ఒక స్విమ్మింగ్ ఇన్‌స్ట్రక్టర్‌తోపాటు 12 మోటారు బోట్లు, ఇతర రక్షణ పరికరాలు తరలివెళ్లాయి. విపత్తుల నిర్వహణ శాఖ కమిషనర్ ఎంవి శేషగిరిబాబు, ఫైర్ డీజీ సత్యనారాయణ, విపత్తుల నిర్వహణ శాఖ పరిపాలనాధికారిణి సుమతికుమారి, స్టేట్ ఎమర్జెన్సీ ఆపరేషన్ సెంటర్ ఇన్‌ఛార్జి కిషన్‌సంకు కేరళ రాష్ట్ర ప్రభుత్వ అధికారుల సమన్వయంతో బృందాలను కేరళ రాష్ట్రానికి పంపించారు. గన్నవరం విమానాశ్రయం నుంచి ప్రత్యేక విమానంలో బయలుదేరిన ఏపీ ప్రత్యేక బృందాలు కేరళలోని త్రివేండ్రం చేరుకుని అక్కడి నుంచి ముంపు ప్రాంతాల్లో సహాయక చర్యల్లో పాల్గొననున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.