రాష్ట్రీయం
మహిళా సంఘాలకు పెద్దపీట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: రాష్ట్రంలో మహిళా సంఘాలు ఆర్థికంగా బలంగా మారాలన్న ఉద్దేశంతో ఈ సంఘాలకు పెద్ద ఎత్తున ఆర్థిక సాయం చేస్తున్నామని రాష్ట్ర పంచాయతీ, గ్రామీణాభివృద్ధి మంత్రి జూపల్లి కృష్ణారావు తెలిపారు. సచివాలయంలో సోమవారం ఆయన మీడియా ప్రతినిధుల సమావేశంలో మాట్లాడుతూ, మహిళా సంఘాలకు వడ్డీలేని రుణాలకు సంబంధించి 902 కోట్ల రూపాయల బకాయిలు విడుదల చేశామన్నారు. కేంద్ర ప్రభుత్వం
తన వాటాగా 339 కోట్ల రూపాయలు ఇవ్వాల్సి ఉందని, ఈ నిధులకోసం కేంద్రంలోని సంబంధిత మంత్రిత్వ శాఖతో చర్చలు జరుపుతున్నామన్నారు.
మహిళా సంఘాలకు 2017-18 ఆర్థిక సంవత్సరానికి సంబంధించి 1,74,046 మహిళా సంఘాలకు సుమారు 7,900 కోట్ల రూపాయల రుణాలను బ్యాంకులు, స్ర్తినిధి ద్వారా అందించామని జూపల్లి తెలిపారు. 2018-19 సంవత్సరంలో అర్హత కలిగిన 3,23,770 మహిళా సంఘాలకు 8,800 కోట్ల రూపాయల రుణాలు ఇవ్వాలని నిర్ణయించి, ఇప్పటివరకు 2,000 కోట్ల రూపాయలు ఇచ్చామని వివరించారు.
భారీగా వానలు కురుస్తున్నందు వల్ల గ్రామాల్లో పారిశుద్దిపనులు సజావుగా కొనసాగేందుకు అవసరమైన ఏర్పాట్లు చేశామని మంత్రి జూపల్లి తెలిపారు. గ్రామ పంచాయతీ ప్రత్యేక అధికారులు, కార్యదర్శులు జాగ్రత్తగా విధి నిర్వహించాలని ఆదేశాలు జారీ చేశామన్నారు. పారిశుద్ధ్య పనులను ఎప్పటికప్పుడు ఈఓ (పంచాయతీరాజ్), ఎంపీడీఓలు, డీపీఓలు పర్యవేక్షిస్తూ ఉండాలని సూచించామన్నారు. అవసరమైతే పారిశుద్ధ్యపనులకోసం దినసరి కూలీలను నియమించుకునే అవకాశం కల్పించామన్నారు.
గ్రామ పంచాయతీల్లో వౌలిక వసతులు ఇతర అవసరాలకోసం 2018-19 బడ్జెట్‌లో 1200 కోట్ల రూపాయలను కేటాయించామని జూపల్లి అన్నారు. హరితహారం సజావుగా సాగేందుకు ప్రతి గ్రామంలో నర్సరీలను సెప్టెంబర్ 30 లోగా ఏర్పాటు చేయాలని ఆదేశించినట్టు చెప్పారు. పంచాయతీల్లో పారిశుద్ధ్య కార్మికులకు కనీస వేతనంగా నెలకు 8,500 రూపాయలు నిర్ణయించామని, ఈ వేతనాన్ని కార్మికుల బ్యాంకు అకౌంట్లలో నేరుగా జమ చేస్తామన్నారు. ప్రతి 500 జనాభాకు ఒక పారిశుద్ద్య కార్మికుడు ఉండేలా చర్యలు తీసుకున్నామన్నారు.
జోనల్ విధానం..
కార్యదర్శుల నియామకం
జోనల్ విధానంపై తమ ప్రభుత్వం కేంద్రానికి సమర్పించిన నివేదికకు అనుగుణంగా అనుమతి రాగానే గ్రామ పంచాయతీ కార్యదర్శుల నియామకాన్ని చేపడతామని మంత్రి జూపల్లి తెలిపారు. పంచాయతీ కార్యదర్శులు నియామకంలో స్థానికులకే ప్రాధాన్యం ఉంటుందని, జోనల్ వ్యవస్థకు అనుగుణంగా నియామకాలు జరుగుతాయని స్పష్టం చేశారు. ప్రతి గ్రామ పంచాయతీకి ఒక కార్యదర్శిని నియమిస్తున్నామని గుర్తు చేశారు. పంచాయతీల్లో పనిచేస్తున్న సిబ్బందిలో 90 శాతం మంది ఉద్యోగుల సర్వీసులను రెగ్యులర్ చేశామని, మిగతావారి సర్వీసులను కూడా త్వరలో రెగ్యులర్ చేస్తామని హామీ ఇచ్చారు.
కేరళ వరద బాధితులకోసం తాను తన నెలరోజుల వేతనాన్ని విరాళంగా ప్రకటించానని తెలిపారు.
చిత్రం..మీడియాతో మాట్లాడుతున్న మంత్రి జూపల్లి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.