రాష్ట్రీయం
రేవంత్‌రెడ్డి రాజీనామా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 6: తెలంగాణ రాష్ట్ర శాసనసభ రద్దు కావడానికి కొద్ది సేపటి ముందు కాంగ్రెస్ నేత రేవంత్ రెడ్డి తన శాసనసభ్యత్వానికి రాజీనామా చేస్తూ స్పీకర్ మధుసూదనాచారికి లేఖ అందజేశారు. అనంతరం ఆయన మీడియాతో మాట్లాడుతూ సీఎం కేసీఆర్‌ను పరోక్షంగా ప్రస్తావిస్తూ, ఇలాంటి పిచ్చోడు ప్రాతినిథ్యం వహిస్తున్న సభలో సభ్యుడిగా ఉండటం ఇష్టం లేకనే ఎమ్మెల్యే పదవికి రాజీనామా చేశానని రేవంత్ రెడ్డి పేర్కొన్నారు. రాష్ట్రంలో అభివృద్ధిని సీఎం పక్కన పెట్టేశారని, పరిపాలన పిచ్చోడి చేతిలో రాయిలా మారిందని పేర్కొన్నారు. రాష్ట్రంలో ప్రజాభిప్రాయానికీ, ప్రజాస్వామ్య విలువలకూ ఎక్కడా తావులేదని, తుగ్లక్ పాలన కన్నా దారుణంగా రాష్ట్రంలో పాలన ఉందని ధ్వజమెత్తారు. తెలుగుదేశం పార్టీ తెలంగాణ శాఖకు వర్కింగ్ ప్రెసిడెంట్‌గా ఉన్న రేవంత్ గత అక్టోబర్‌లో కాంగ్రెస్‌లో చేరారు. అంతకుముందు చంద్రబాబుతో సమావేశమైనపుడు రేవంత్ రాజీనామా పత్రాన్ని ఆయనకు అందజేశారు. తాను ఎమ్మెల్యేగా పోటీ చేసేందుకు అవకాశం కల్పించింది చంద్రబాబే కనుక ఆయనకే తన రాజీనామా ఇచ్చానని అప్పట్లో రేవంత్ చెప్పారు. ఆయన రాజీనామా ఇంతవరకూ పెండింగ్‌లోనే ఉంది. గురువారం అనూహ్యంగా స్పీకర్ ఛాంబర్‌కు వెళ్లి రాజీనామాను అందజేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.