రాష్ట్రీయం
‘పోలవరం’ నిర్మాణం సంతృప్తికరం
S ,7 à 8 RSCA (si SASPAS) et 6 cialis pharmacie cialis rapports de stage.
పోలవరం: పోలవరం ప్రాజెక్టు నిర్మాణం బాగానే జరుగుతోందని, అయితే నాణ్యతాపరంగా కొన్ని లోపాలున్నాయని, వాటిని సరిచేయడానికి సూచనలు అందిస్తామని కేంద్ర జల వనరుల శాఖ పర్యవేక్షక కమిటీ ఛైర్మన్ వైకె శర్మ అన్నారు. గురువారం ఉదయం ప్రాజెక్టు పనులను పరిశీలించేందుకు వైకె శర్మ నేతృత్వంలో సీడబ్ల్యూసీ చీఫ్ ఇంజనీర్ ఆర్‌కె పచోరీ, డిప్యూటీ డైరెక్టర్ ఎన్‌కె సింగ్, సీఎస్సార్ శాస్తవ్రేత్త డాక్టర్ ఆర్ చిత్ర, ప్రాజెక్టు అథారిటీ చీఫ్ ఇంజనీర్ ఎకె ప్రదాన్‌లు నిర్మాణ ప్రాంతానికి చేరుకున్నారు.
తొలుత వారు ప్రాజెక్టు నమూనాను పరిశీలించి, ప్రాజెక్టు నిర్మాణ స్వరూపాన్ని ఇఎన్‌సీ ఎం వెంకటేశ్వరరావు ద్వారా తెలుసుకున్నారు. ప్రాజెక్టు ఏజెన్సీ కార్యాలయంలో ఇఎన్‌సీ ఎం వెంకటేశ్వరరావు పవర్ పాయింట్ ప్రజెంటేషన్ ద్వారా ప్రాజెక్టు గురించి వివరించారు. 1980 సంవత్సరంలో అప్పటి ముఖ్యమంత్రి టి అంజయ్య శంకుస్థాపన నాటి నుంచి, 2005వ సంవత్సరంలో ప్రాజెక్టు నిర్మాణానికి ఆమోదం వరకు వివరించారు. గత మూడేళ్లుగా జరిగిన ప్రాజెక్టు పనుల వివరాలు బృందానికి తెలిపారు.
ప్రాజెక్టు నిర్మాణం పూర్తయితే కృష్ణా నదీ జలాలను మహారాష్ట్ర, కర్ణాటక రాష్ట్రాలు 40 టీఎంసీలు చొప్పున అధికంగా వాడుకోవచ్చని వివరించారు. అలాగే ఒడిశా, ఛత్తీస్‌గఢ్ రాష్ట్రాలు ఐదు టీఎంసీలు చొప్పున గోదావరి జలాలు వాడుకోవచ్చునని వివరించారు. ఎన్ని లక్షల ఎకరాలు సాగు స్థిరీకరణ జరుగుతుందన్న విషయాన్ని వారికి వివరించారు. ఇప్పటివరకు ఎంత శాతం పనులు జరిగాయి, ఖర్చుల వివరాలతోపాటు ఆర్‌ఆర్ ప్యాకేజీ అమలు విషయాన్ని పవర్ పాయింట్ ప్రజెంటేషన్ ద్వారా వివరించారు. అనంతరం స్పిల్‌వే నిర్మాణ ప్రాంతానికి చేరుకున్న బృందం నిర్మాణాన్ని పరిశీలించారు. కమిటీ ఛైర్మన్ వైకె శర్మ కాంక్రీట్ పనులను క్షుణ్ణంగా పరిశీలించి, ప్రతీ దానిని ఫొటోలు తీసుకున్నారు. 1 నుంచి 14 బ్లాకుల వరకు నడుచుకుంటూ వెళ్లి పరిశీలించారు. ఈ సందర్భంగా శర్మ మాట్లాడుతూ నిర్మాణం బాగానే జరుగుతుందని, కాంట్రాక్టు ఏజెన్సీ నిర్మాణాలను జాగ్రత్తగా పరిశీలిస్తూ పనులు చేయాలన్నారు. నిర్మాణంలో ఏమైనా సమస్యలు ఉత్పన్నమైతే సమీక్షించి అధిగమించాలన్నారు.
అనంతరం రాక్‌ఫిల్ డ్యాం నిర్మాణ ప్రాంతానికి చేరుకున్న కమిటీ సభ్యులు ఆ ప్రాంతాన్ని పరిశీలించి రెండు కొండల మధ్యనున్న గ్యాప్-3 వద్ద కాంక్రీటు వాల్ పటిష్ఠంగా నిర్మించాలని ప్రాజెక్టు సీఈ వి శ్రీ్ధర్‌కు సూచించారు. అక్కడ నుంచి డయాఫ్రంవాల్ నిర్మించిన ప్రాంతం వద్దకు చేరుకున్న బృందానికి జర్మనీకి చెందిన నిర్మాణ సంస్థ అయిన బావర్ కాంట్రాక్టు ఏజెన్సీ ఇంజనీర్ హాసన్ డయాఫ్రంవాల్ నిర్మాణాన్ని మ్యాప్ ద్వారా వివరించారు. సుమారు ఆరు గంటలపాటు ప్రాజెక్టు నిర్మాణ ప్రాంతంలో గడిపిన కేంద్ర కమిటీ సభ్యులు అనంతరం రాజమహేంద్రవరం బయలుదేరి వెళ్లారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.