రాష్ట్రీయం
బాల కవుల పుస్తకావిష్కరణ
S ,7 à 8 RSCA (si SASPAS) et 6 cialis pharmacie cialis rapports de stage.
మోర్తాడ్, సెప్టెంబర్ 9: ఏర్గట్ల మండలం తడ్‌పాకల్ ఉన్నత పాఠశాలకు చెందిన విద్యార్థులు కవితా రచనలో ముందుకు దూసుకెళ్తున్నారు. తెలంగాణతో పాటు వివిధ రాష్ట్రాల్లో జరిగిన కార్యక్రమాల్లో ఇప్పటికే అనేక పుస్తకాలను ఆవిష్కరింపజేసుకున్న ఇక్కడి విద్యార్థులు, తాజాగా ఆదివారం మరో కవితా సంపుటిని రచించి ప్రముఖులచే మన్ననలు పొందారు. సిరిసిల్లా జిల్లా కేంద్రంలో చిల్డ్రన్స్ ఎడ్యుకేషనల్ ట్రస్టు సంపాదకులు ఎం.వేదకుమార్, జాతీయ బాలసాహిత్య మండలి అధ్యక్షుడు శర్మల నేతృత్వంలో గత రెండు రోజులుగా రాష్ట్ర స్థాయి బాలసాహిత్య కార్యశాల జరుగుతోంది. రాష్ట్రంలోని వివిధ ప్రాంతాలకు చెందిన విద్యార్థులు వారు రచించిన పుస్తకాలతో వేదిక వద్ద గళాన్ని వినిపించారు. ఇందులో ఏర్గట్ల మండలం తడ్‌పాకల్ ఉన్నత పాఠశాలకు చెందిన విద్యార్థులు అధిక సంఖ్యలో పాల్గొన్నారు. ఇటీవలే వారు రచించిన నూతన కవితా సంపుటి ‘నవ కవనం’ను ప్రముఖ సాహితీవేత్తల చేతుల మీదుగా ఆవిష్కరింపజేశారు. దీంతో పాటు వచనా కవిత్వం, నేనూ కథ రాస్తున్నాను అనే రచనలను కూడా ఆవిష్కరింపజేశారు. ఈ సందర్భంగా పాఠశాల విద్యార్థులు వారు రచించిన కవితలను వేదికపై చదివి ఆహుతుల అభినందనలు అందుకున్నారు. ఈ సందర్భంగా సాహితీవేత్తలు మాట్లాడుతూ, నేటి సమాజంలో బాలలకు కవిత్వం, కథలు ఎలా రాయాలనే విషయమై సూచించాల్సిన అవసరం ఎంతైనా ఉందన్నారు. తడ్‌పాకల్ పాఠశాల తెలుగు భాషోపాధ్యాయుడు ప్రవీణ్‌శర్మ చేస్తున్న కృషిని నిర్వహకులు అభినందించారు. ఇప్పటివరకు ఏడు పుస్తకాలను పాఠశాల విద్యార్థుల ద్వారా వెలువరించడం జరిగిందని, రాష్ట్రంలో మరే ఇతర పాఠశాల కూడా ఇంత గొప్పగా చేయలేకపోయారని, ఇదొక రికార్డు అని అభినందించిన ట్రస్టు నిర్వహకులు, ప్రవీణ్‌శర్మను ఉత్తమ ఉపాధ్యాయుడిగా ఎంపిక చేశారు. భవిష్యత్తులోనూ మరిన్ని రచనలు తీసుకువచ్చేలా కృషి చేస్తానని, ఇప్పటికే తమ పాఠశాలకు చెందిన విద్యార్థులు అనేక కవితలు రాసి సంపుటి కోసం సిద్ధం చేశారని ప్రవీణ్‌శర్మ తెలిపారు. కవితలు రచించిన విద్యార్థులకు ప్రశంసాపత్రాలు బహూకరించారు. ఈ కార్యక్రమంలో నేటి నిజం పత్రికా సంపాదకులు బైస దేవిదాస్, నేషనల్ బుక్ ట్రస్టు సంపాదకులు డాక్టర్ పత్తిపాక మోహన్, రంగినేని ట్రస్టు అధ్యక్షుడు మోహన్‌రావు, పిల్లల పండగ సంస్థ కన్వీనర్ గరిపెల్లి అశోక్ తదితరులు పాల్గొన్నారు. విద్యార్థులను సాహిత్యం దిశగా ప్రోత్సహిస్తున్న ప్రవీణ్‌శర్మను ఘనంగా సన్మానించారు.
చిత్రం..తడ్‌పాకల్ విద్యార్థుల కవితా సంపుటిలను ఆవిష్కరిస్తున్న కవులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.