రాష్ట్రీయం
నేడు ధర్మాబాద్‌కు న్యాయవాదుల బృందం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (సిటీ): ముఖ్యమంత్రి చంద్రబాబు నాయుడికి మహరాష్టల్రోని ధర్మాబాద్ కోర్టు జారీ చేసిన ఆరెస్టు వారెంట్‌కు సంబంధించి ఏపీ న్యాయవాదుల బృందం శుక్రవారం కోర్టుకు హాజరు కానుంది. ఈ నెల 21న తప్పనిసరిగా కోర్టుకు హాజరుకావాలని ముఖ్యమంత్రి చంద్రబాబు నాయుడికి కోర్టు నోటీసులు ఇచ్చిన నేపథ్యంలో రాష్ట్ర ప్రభుత్వం తరపున అడ్వకేట్ల బృందం ధర్మాబాద్ కోర్టుకు హాజరుకానుంది. ఆరెస్టు వారెంట్లపై మంత్రులు, అధికారులు, న్యాయవాదులతో సుదీర్ఘంగా చర్చించిన అనంతరం ధర్మాబాద్ కోర్టుకు న్యాయవాదులను పంపించాలని చంద్రబాబు నిర్ణయించి, టీడీపీ రాజ్యసభ సభ్యుడు కనకమేడల రవీంద్రకుమార్ నేతృత్వంలో అడ్వకేట్ల బృందాన్ని పంపిస్తున్నారు. ఈ బృందంలో రవీంద్రతోపాటు ఏఏజీ, ఇతర న్యాయవాదులు ఉంటారు. రెండు రాష్ట్రాలకు సంబంధించిన నేతలు, రెండు రాష్ట్రాల సమస్య అయినందున ఈ కేసులో ఏఏజీ పాత్రే కీలకం కానుంది. కేసుకు సంబంధించి ముందుగా రీకాల్ పిటిషన్ వేయనున్న ఏపీ న్యాయవాదులు, అనంతర పరిణామాలతో ముందుకు వెళ్లనున్నారు. రీకాల్ పిటిషన్‌తో చంద్రబాబుపై ఉన్న నాన్‌బెయిల్‌బుల్ వారెంట్ రద్దు కానుంది. అప్పటి పరిస్థితిని అంచనా వేసి అవసరమైతే హైకోర్టుకు వెళ్లేందుకు కూడా ఏపీ ప్రభుత్వం సిద్ధమయింది. దీనికి సంబంధించి స్క్వాష్ పిటిషన్‌ను కూడా న్యాయవాదులు వేయనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.