రాష్ట్రీయం
మాదే ప్రభంజనం.... అంతటా కాంగ్రెస్ పవనాలు వలసలతో బలపడుతున్నాం: ఉత్తమ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 21: రాష్ట్రంలో తమ పార్టీ ప్రభంజనం వీస్తున్నదని తెలంగాణ ప్రదేశ్ కాంగ్రెస్ కమిటీ అధ్యక్షుడు ఎన్. ఉత్తమ్‌కుమార్ రెడ్డి అన్నారు. ఆదిలాబాద్ టీఆర్‌ఎస్ మాజీ ఎంపీ రమేశ్ రాథోడ్, ఆయన సతీమణి మాజీ ఎమ్మెల్యే సుమన్ రాథోడ్ ఆ పార్టీకి రాజీనామా చేసి శుక్రవారం గాంధీ భవన్‌లో కాంగ్రెస్‌లో చేరారు. ఏఐసీసీ ప్రధాన కార్యదర్శి, పార్టీ రాష్ట్ర వ్యవహారాల ఇన్‌ఛార్జీ ఆర్‌సీ కుంతియా, ఉత్తమ్‌కుమార్ రెడ్డి సమక్షంలో పార్టీలో చేరారు. కుంతియా, ఉత్తమ్ తదితరులు వారికి పార్టీ కండువాలు కప్పి స్వాగతం పలికారు. ఉత్తమ్‌కుమార్ రెడ్డి మీడియాతో మాట్లాడుతూ రాష్ట్రంలో కాంగ్రెస్ గాలి వీస్తోందని వెల్లడించారు. రాథోడ్ దంపతులు చేరికతో తమ పార్టీ మరింత బలపడుతుందన్న ఆశాభావాన్ని ఆయన వ్యక్తం చేశారు. ఉమ్మడి ఆదిలాబాద్ జిల్లాలోని 10 నియోజకవర్గాల్లో పార్టీ విజయం సాధించేలా కార్యకర్తలు కృషి చేయాలని పిలుపునిచ్చారు. ముందస్తు ఎన్నికలు కాంగ్రెస్-టీఆర్‌ఎస్ మధ్య కాదని, కేసీఆర్ కుటుంబానికి, తెలంగాణ ప్రజలకు మధ్య అని ఆయన అభివర్ణించారు. తమ పార్టీ అధికారంలోకి రాగానే రైతులకు ఏకకాలంలోనే రూ. 2 లక్షల రుణ మాఫీ చేస్తామని ఆయన పునరుద్ఘాటించారు. 17 ముఖ్య పంటలకు మంచి ధర కల్పిస్తామని ఆయన హామీ ఇచ్చారు. ముఖ్యమంత్రి కేసీఆర్ దళితులను, గిరిజనులను అణిచి వేస్తున్నారని ఉత్తమ్ విమర్శించారు. అమరుల త్యాగాలతో తెలంగాణ ఏర్పాటైతే కేసీఆర్ వారిని విస్మరించారని, వారి కుటుంబాలను ఆదుకోలేదని ఆయన విమర్శించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.