రాష్ట్రీయం
కిక్కిరిసిన బారాషహీద్ దర్గా
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు: నెల్లూరు జిల్లా కేంద్రంలోని బారాషహీద్ దర్గా ప్రాంగణం రొట్టెల పండుగతో భక్తజనంతో పోటెత్తుతోంది. లక్షల సంఖ్యలో వస్తున్న భక్తులతో దర్గా ప్రాంగణం కిక్కిరిసిపోయింది. సమీపంలోని స్వర్ణాల చెరువులో రొట్టెలు మార్పిడి చేసుకొని, బారాషహీద్ దర్గాలో అమరవీరుల సమాధులను దర్శనం చేసుకొనేందుకు వివిధ రాష్ట్రాలతో పాటు సౌదీ అరేబియా, బంగ్లాదేశ్, ఇండోనేషియా తదితర దేశాల నుండి కూడా భక్తులు అధిక సంఖ్యలో వస్తున్నారు. శనివారం అర్ధరాత్రి కడప దర్గా పీఠాధిపతుల ఆధ్వర్యంలో గంధ మహోత్సవ కార్యక్రమం ఘనంగా జరగనుంది. ఈ గంధోత్సవాన్ని వీక్షించేందుకు రొట్టెల పండుగకు వచ్చిన భక్తులు దర్గా పరిసరాల్లో వంటావార్పు చేసుకొని ప్రత్యేకంగా గుడారాలు వేసుకొని సేదదీరుతున్నారు. ఈ ఏడాది సంతానం, ఉద్యోగం, విద్య రొట్టెలకు డిమాండ్ ఏర్పడింది. పెళ్లి
రొట్టెలను కూడా పలువురు పట్టుకొనేందుకు ఉత్సాహం చూపిస్తున్నారు. పురపాలక శాఖ మంత్రి నారాయణ దర్గా పరిసరాలల్లోనే ఉంటూ భక్తులకు అందుతున్న సౌకర్యాలను, ఏర్పాట్లను పర్యవేక్షిస్తూ అధికారులకు సూచనలు చేస్తున్నారు. శుక్రవారం నుండి ప్రారంభమైన ఈ రొట్టెల పండుగకు ఇప్పటివరకు సుమారు నాలుగు లక్షల మంది వరకు వచ్చినట్లు అధికారులు అంచనా వేస్తున్నారు. మరో మూడు రోజులపాటు ఈ పండుగ జరగనుండటంతో భక్తుల తాకిడి పది లక్షలకు మించి ఉంటుందనే అంచనాలతో అధికారులు పటిష్ట ఏర్పాట్లు చేస్తున్నారు. జనసేన పార్టీ అధ్యక్షుడు సినీనటుడు పవన్ కళ్యాణ్ ఆదివారం బారాషహీద్ దర్గాకు వస్తున్నట్లు ఆ పార్టీ వర్గాలు తెలిపాయి.
చిత్రం..రొట్టెల పండగకు వచ్చిన భక్తులతో కిక్కిరిసిన నెల్లూరు స్వర్ణాల చెరువు ప్రాంగణం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.