రాష్ట్రీయం
నల్లమలపై నిఘా పెంచాం
S ,7 à 8 RSCA (si SASPAS) et 6 cialis pharmacie cialis rapports de stage.
మార్కాపురం, సెప్టెంబర్ 24: నల్లమల అటవీప్రాంతంపై నిఘాపెంచామని, లోతట్టు ప్రాంతాలకు వెళ్ళే నేతలు పోలీసులకు సమాచారం అందించి వెళ్ళాలని ఇప్పటికే వర్తమానం పంపామని ప్రకాశం జిల్లా మార్కాపురం డీవైఎస్పీ ఎన్‌వి రామాంజనేయులు తెలిపారు. ఆదివారం అరకు ఎమ్మెల్యే సర్వేశ్వరరావు, మాజీఎమ్మెల్యే సోమాను మావోయిస్టులు హత్య చేసిన సంఘటన నేపథ్యంలో ఆయన మాట్లాడుతూ నల్లమల అటవీప్రాంతంలో నిఘా పెంచామన్నారు. నేతలు ఎవరైనా అత్యంతవసర పరిస్థితుల్లో లోతట్టుప్రాంతాలకు వెళ్ళే సమయంలో సమాచారం ఇస్తే, వారికి తగిన భద్రత కల్పిస్తామన్నారు. వారు ప్రయాణించే రహదారులను బాంబుస్వ్కాడ్ ద్వారా తనిఖీలు చేయిస్తామన్నారు. నల్లమల అటవీ ప్రాంతంలో మావోయిస్టుల కదలికలు లేనప్పటికీ ముందస్తు చర్యగా గతంలో కంటే అధికంగా కూంబింగ్ నిర్వహించేందుకు చర్యలు చేపట్టామని అన్నారు. డివిజన్‌లోని అందరు సీఐలకు, ఎస్సైలకు నేతల భద్రతపై సమాచారం ఇచ్చామన్నారు. నేతలు కూడా పోలీసులకు సహకరించాలని ఆయన కోరారు. ఇలావుంటే, 1999 నుంచి 2008 వరకు నల్లమల అటవీప్రాంతంలో ఓవైపున పోలీసుల బూట్లచప్పుళ్ళు, మరోవైపు మావోయిస్టుల తుపాకుల తూటాలతో దడదడలాడింది. అప్పట్లో నిత్యం మావోయిస్టుల చర్యలు పోలీసుల ఎన్‌కౌంటర్లతో నేతలకు కంటిమీద కునుకులేకుండా చేశాయి. మావోయిస్టు పార్టీకి చెందిన అగ్రనేతలు శాఖమూరి అప్పారావు, మట్టా రవి కుమార్, రాష్ట్ర కార్యదర్శి మాధవ్ లాంటి నేతలు ఈప్రాంతంలో పోలీసుల తూటాలకు బలయ్యారు. 2007 డిసెంబర్‌లో నల్లమల కార్యదర్శి సాగర్ అలియాస్ పాండురంగా రెడ్డి, సింగా ప్రసాద్ లాంటి నేతలను పోలీసులు అరెస్టు చేయడంతో మావోయిస్టు చర్యలకు దాదాపుగా పుల్‌స్ట్ఫా పడింది. అలాగే మావోయిస్టులువాడే రాకెట్‌లాంచర్లకు మార్కాపురం డివిజన్ కేంద్ర బిందువుగా మారి టెక్ మధును అరెస్టు చేశారు. మావోయిస్టుల కార్యకలాపాలకు ఇంతటి ప్రాచూర్యం ఉన్న నల్లమల అటవీప్రాంతంలో ప్రస్తుతం ఎలాంటి మావోయిస్టుల అలజడులు లేకపోయినప్పటికీ అరకు ఎమ్మెల్యే సర్వేశ్వరరావు, మాజీఎమ్మెల్యే సోమాలను హత్య చేసిన తరువాత పోలీసులు ఒక్కసారిగా ఉలిక్కిపడి నల్లమలపై ప్రత్యేక దృష్టి సారించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.