రాష్ట్రీయం
ఘాతుకానికి పాల్పడింది వీరే!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం: విశాఖ జిల్లా డుంబ్రిగూడ మండలం లిప్టిపుట్టు వద్ద ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమను ఆదివారం హత్య చేసిన మావోయిస్టుల ఫొటోలను జిల్లా ఎస్పీ కార్యాలయం సోమవారం విడుదల చేసింది. ఘటనా స్థలంలో ప్రత్యక్ష సాక్షులు గుర్తించిన మావోల చిత్రాలను పోలీసులు విడుదల చేశారు. ఈ ఘటనలో కొరాపుట్ దళానికి చెందిన సుమారు 20 మంది మహిళలు, 30 మంది పురుషులు పాల్గొన్నట్టు పోలీసులు గుర్తించారు. ఇండిలిజెన్స్ అడిషనల్ డీజీ ఏబీ వెంకటేశ్వర్లు, జిల్లా ఎస్పీ రాహుల్‌దేవ్ శర్మ సోమవారం ఉదయం ద్విచక్రవాహనంపై లిప్టిపుట్టు వద్ద జరిగిన ఘటనా స్థలానికి చేరుకున్నారు. సంఘటన జరిగిన తీరును వీరు క్షుణ్ణంగా పరిశీలించారు. ఆ తరువాత ముగ్గురు మావోయిస్టుల ఫొటోలను విడుదల చేశారు. తూర్పు గోదావరి జిల్లా అడ్డతీగల పోలీస్ స్టేషన్ పరిధిలోని దబ్బపాలెం గ్రామానికి చెందిన జలుమూరి శ్రీనుబాబు అలియాస్ సునీల్, రైనో ఈ హత్యకు పాల్పడినవారిలో ఉన్నారు. అలాగే పశ్చిమగోదావి జిల్లా భీమవరం పట్టణానికి చెందిన కామేశ్వరి అలియాస్ స్వరూప, సింద్రి చింద్రి, రింకీ ఉన్నట్టు గుర్తించారు. అలాగే విశాఖ జిల్లా పెందుర్తి మండలం కరకవానిపాలెం గ్రామానికి చెందిన వెంకట రవి చైతన్య అలియాస్ అరుణ ఉన్నారు.
కాగా, సివేరి సోము, కిడారి సర్వేశ్వరరావును హతమార్చేందుకు కోరాపుట్ దళ నాయకుడు చలపతి స్కెచ్ వేసిన సంగతి తెలిసిందే. ఆయన కనుసన్నలలోనే దళంలోని వివిధ హోదాల్లో పనిచేస్తున్న పీటీజీలు ఈ ఆపరేషన్‌లో పాల్గొన్నారు. క్షేత్రస్థాయిలో చలపతి భార్య అరుణ నాయకత్వం వహించినట్టు తెలుస్తోంది.
*పోలీసులు విడుదల చేసిన మావోయస్టుల ఫొటోలు -
శ్రీనుబాబు, కామేశ్వరి, అరుణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.