రాష్ట్రీయం
రాజగోపాల్‌కు మరో షోకాజ్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: కాంగ్రెస్ ఎమ్మెల్సీ కోమటిరెడ్డి రాజగోపాల్ రెడ్డికి పార్టీ క్రమశిక్షణా సంఘం సోమవారం మరో షోకాజ్ నోటీసు ఇచ్చింది. ఈ దఫా సమాధానం చెప్పేందుకు 24 గంటల గడువే ఇచ్చింది. ఏఐసీసీ ప్రధాన కార్యదర్శి, పార్టీ రాష్ట్ర వ్యవహారాల ఇన్‌ఛార్జీ ఆర్‌సీ కుంతియా శనిలా దాపురించారని వ్యాఖ్యానించడమే కాకుండా టిక్కెట్ల విషయంలోనూ తీవ్ర విమర్శలు చేసిన సంగతి తెలిసిందే. దీనిపై పీసీసీ అధ్యక్షుడు ఉత్తమ్‌కుమార్ రెడ్డి పార్టీ క్రమశిక్షణా సంఘానికి నివేదించారు. మాజీ ఎమ్మెల్యే ఎం. కోదండరెడ్డి నేతృత్వంలోని క్రమశిక్షణా సంఘం రెండు రోజుల క్రితం సమావేశమై రాజగోపాల్‌రెడ్డికి షోకాజ్ నోటీసు జారీ చేసింది. 48 గంటల్లో వివరణ ఇవ్వాలని నోటీసులో పేర్కొంది. కాగా అదేరోజు రాజగోపాల్ రెడ్డి మీడియాతో మాట్లాడుతూ తాను ఉద్దేశ్యపూర్వకంగా ఎవరినీ అనలేదని, కార్యకర్తల మనోభావాలను తెలియజేశానని వివరణ ఇచ్చారు. రాజగోపాల్ రెడ్డి షోకాజ్‌కు లిఖితపూర్వకంగా సమాధానమిస్తూ సీల్డ్ కవర్ పంపించారు. కానీ ఆ సమాధానంతో క్రమశిక్షణా సంఘం సంతృప్తి చెందలేదు. పైగా అక్కడితో ఆగకుండా మునుగోడులో జరిగిన సభలో
కోమటిరెడ్డి రాజగోపాల్ రెడ్డి మళ్లీ తీవ్ర పదజాలంతో వ్యాఖ్యలు చేయడాన్ని, షోకాజ్ నోటీసు ఇచ్చిన రోజే హైదరాబాద్‌లో మీడియాతో మాట్లాడుతూ చేసిన వ్యాఖ్యలనూ పార్టీ క్రమశిక్షణా సంఘం సీరియస్‌గా తీసుకుంది. సోమవారం సంఘం చైర్మన్ కోదండరెడ్డి నేతృత్వంలో సమావేశమైన సభ్యులు సుదీర్ఘంగా చర్చించారు. రాజగోపాల్ రెడ్డి మళ్ళీ తీవ్ర వ్యాఖ్యలు చేయడాన్ని క్రమశిక్షణా సంఘం సభ్యులు తప్పుపట్టారు. వీటిపై 24 గంటల్లోగా వివరణ ఇవ్వాల్సిందిగా షోకాజ్‌లో పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.