రాష్ట్రీయం
మార్పులు ఉండవు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: అసెంబ్లీ ఎన్నికల్లో అభ్యర్థుల ప్రకటన తర్వాత పార్టీలో రేగిన అసమ్మతి చిచ్చు నేపథ్యంలో జాబితాలో మార్పులుంటాయన్న ప్రచారానికి టీఆర్‌ఎస్ అధినేత, సీఎం చంద్రశేఖర్‌రావు తెరదించినట్టు పార్టీ వర్గాల సమాచారం. ఇంతకు ముందే ప్రకటించిన అభ్యర్థులలో ఎలాంటి మార్పు ఉండబోదని కేసీఆర్ స్పష్టం చేసినట్టు పార్టీ వర్గాల సమాచారం. కొన్ని నియోజకవర్గాల్లో అసమ్మతి నేతలు ప్రకటించిన అభ్యర్థిని మార్చి తమకు టికెట్ వస్తుందని ప్రచారం చేసుకుంటున్నట్టు పార్టీ నాయకత్వానికి సమాచారం అందింది. దీంతో ఎన్నికల ప్రచారాన్ని ఉద్ధృతం చేయడానికి అభ్యర్థులు తటపటాయిస్తున్నారు. ఈ విషయాన్ని ఇంటిలిజెన్స్, పార్టీ వర్గాల ద్వారా తెలుసుకున్న అధినేత ‘ఎట్టి పరిస్థితుల్లో అభ్యర్థుల మార్పు ఉండదు. అలా మార్చుకుంటూ పోతే అన్ని నియోజకవర్గాల్లో అసమ్మతి రాజుకునే ప్రమాదం ఉంటుంది’ అని వ్యాఖ్యానించినట్టు తెలిసింది. తమను మార్చేస్తారేమో అన్న అనుమానంతో కొందరు అభ్యర్థులు మొక్కుబడిగా ప్రచారాన్ని నిర్వహిస్తున్నట్టు అధిష్ఠానం దృష్టికి వచ్చింది. అలాంటి అపనమ్మకంతో ఉన్న అభ్యర్థులకు కేసీఆర్ స్వయంగా ఫోన్ చేసి భరోసా ఇచ్చినట్టు చెబుతున్నారు. మిగిలిన స్థానాలకు కూడా త్వరలోనే అభ్యర్థులను ప్రకటించబోతున్నానని పేర్కొన్న కేసీఆర్ ఇంతకుముందు ప్రకటించిన జాబితాలో ఎలాంటి మార్పు ఉండదని స్పష్టం చేసినట్టు సమాచారం. ‘ప్రచారాన్ని ఉద్ధృతం చేయండి. ప్రత్యర్థి పార్టీలు అభ్యర్థులను ప్రకటించకముందే నియోజకవర్గాల్లో మొదటి దశ ప్రచారం పూర్తి కావాలి’అని అధినేత ఆదేశించారు. అక్టోబర్ రెండోవారం కల్లా కల్లా ఎన్నికల నోటిఫికేషన్ వెలువడే అవకాశం ఉందని, అప్పటి వరకు నియోజకవర్గంలోని గ్రామాలన్నింటినీ చుట్టిరావాలని సూచించినట్టు సమాచారం. ఇలా ఉండగా కేసీఆర్ ఫోన్ చేసిన అభ్యర్థులకే ఐటీ మంత్రి కేటీఆర్ కూడా ఫోన్ చేసి తనను కలుసుకోవాల్సిందిగా సూచించినట్టు విశ్వసనీయవర్గాల ద్వారా తెలిసింది. కేటీఆర్ నుంచి ఫోన్ రాగానే మహబూబాబాద్ తాజా మాజీ ఎమ్మెల్యే శంకర్‌నాయక్ హైదరాబాద్‌కు వచ్చి కలిశారు. ‘మహబూబాబాద్‌లోనే కాదు ఎక్కడా అభ్యర్థులను మార్చడం లేదు. ప్రచారాన్ని ఉద్ధృతం చేయండి’ అని చెప్పి పంపించారు. స్టేషన్ ఘనపూర్‌లో తాజా మాజీ ఎమ్మెల్యే తాటికొండ రాజయ్యకు కూడా ప్రచారాన్ని ఉద్ధృతం చేయాల్సిందిగా ఆదేశించినట్టు తెలిసింది. తన టిక్కెట్‌ను రద్దుచేయడానికి చేయించడానికి కుట్రలు పన్నుతున్నారని రాజయ్య వాపోయినట్టు తెలిసింది. తామేమి వాటిని పరిగణనలోకి తీసుకోవడం లేదని ప్రచారం చేసుకోమని అధిష్ఠానం భరోసా ఇచ్చినట్టు తెలిసింది. రాజయ్యకు భరోసా కల్పించేందుకు శాసనమండలి విప్ పల్లా రాజేశ్వర్‌రెడ్డిని స్వయంగా స్టేషన్ ఘనపూర్ పంపించినట్టు సమాచారం. ఇక్కడ రాజయ్యకు బదులుగా ఉప ముఖ్యమంత్రి కడియం శ్రీహరి కుమార్తె కావ్య కానీ, రాజారపు ప్రతాప్‌కు కానీ టికెట్ ఇవ్వాలని కొందరు కార్యకర్తలు అధిష్ఠానంపై తీవ్ర వత్తిడి చేసిన విషయం తెలిసిందే. అయితే రాజయ్యను మార్చడం లేదని పల్లా రాజేశ్వర్‌రెడ్డి ద్వారా నియోజకవర్గ అసమ్మతి నేతలకు సమాచారం పంపినట్టు తెలిసింది. దీంతో రెండు రోజులుగా రాజయ్య తన ప్రచారాన్ని ఉద్ధృతం చేశారు.
ఇక మొదటి విడతలో ప్రకటించిన అభ్యర్థలకు ప్రచార సామాగ్రిని పార్టీ కేంద్ర కార్యాలయం తెలంగాణ భవన్ నుంచి సోమవారం నియోజకవర్గాలకు పంపించింది. పార్టీ అధినేత కేసీఆర్ రాజకీయ కార్యదర్శి శేరి సుభాష్‌రెడ్డి ప్రచార సామాగ్రి చేరవేతను పర్యవేక్షిస్తున్నారు.
చిత్రం..సోమవారం తెలంగాణ భవన్ నుంచి అభ్యర్థులకు పంపిస్తున్న ఎన్నికల ప్రచార సామగ్రి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.