రాష్ట్రీయం
రాములు నాయక్‌పై వేటు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: అసమ్మతి నేతలపై టీఆర్‌ఎస్ పార్టీ మరోసారి కొరడా జులిపించింది. శాసనమండలి సభ్యుడు రాములు నాయక్‌ను పార్టీ నుంచి సస్పెండ్ చేసినట్టు టీఆర్‌ఎస్ ప్రధాన కార్యదర్శి పల్లా రాజేశ్వర్‌రెడ్డి సోమవారం ప్రకటించారు. పార్టీ వ్యతిరేక కార్యకలాపాలకు పాల్పడటాన్ని తీవ్రంగా పరిగణించి అధిష్ఠానం ఈ మేరకు నిర్ణయం తీసుకున్నట్టు ఆయన స్పష్టం చేశారు. మెదక్ జిల్లా నారాయఖేడ్ నుంచి పోటీకి రాములు నాయక్ టిక్కెట్‌ను ఆశించారు. అయితే నారాయణఖేడ్ సిట్టింగ్ ఎమ్మెల్యేనే వచ్చే ఎన్నికలకు అభ్యర్థిగా పార్టీ అధినేత కేసీఆర్ ప్రకటించారు. అభ్యర్థుల ప్రకటన తర్వాత తీవ్ర అసంతృప్తికి గురైన రాములు నాయక్ తన సామాజిక వర్గానికి చెందిన యువకులు, ఉద్యోగులు, మేధావి వర్గాలతో వరుస భేటీలు జరిపారు. పార్టీ వ్యవస్థాపక సభ్యుడిగా, తెలంగాణ రాష్ట్ర సాధన ఉద్యమంలోనూ చురుకైన పాత్ర పోషించినప్పటికీ తనకు ఎమ్మెల్యే టికెట్ ఇవ్వకపోవడాన్ని ఆయన జీర్ణించుకోలేకపోయారు. దీంతో అధినాయకత్వాన్ని బహిరంగంగానే విమర్శించారు. రాములను బుజ్జగించడానికి చేసిన ప్రయత్నాలు కూడా ఫలించలేదు. ఎట్టిపరిస్థితుల్లో పోటీచేయాలని, టీఆర్‌ఎస్‌ని ఓడించాలని నాయక్ సామాజిక వర్గానికి చెందిన నేతలు వత్తిడి తెచ్చారు. దీంతో కాంగ్రెస్‌లో చేరి ఎన్నికల బరిలోకి దిగాలని ఆయన నిర్ణయించుకున్నారు. కాంగ్రెస్ రాష్ట్ర ఇంచార్జీ కుంతియాతో రాములు నాయక్ భేటీ జరిపినట్టు టీఆర్‌ఎస్ అధిష్ఠానానికి ఇంటెలిజెన్స్ వర్గాల నుంచి సమాచారం అందింది. రాహుల్ గాంధీ రాష్ట్ర పర్యటన రోజు కాంగ్రెస్‌లో చేరికకు రాములు నాయక్ సిద్ధమైనట్టు సమాచారం బయటికి పొక్కడంతో ఈ చర్య తీసుకున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.