రాష్ట్రీయం
కాకా వారసుల దారెటు?
S ,7 à 8 RSCA (si SASPAS) et 6 cialis pharmacie cialis rapports de stage.
ఆదిలాబాద్, అక్టోబర్ 15: తండ్రి చాటు తనయులుగా ముద్రపడ్డ మాజీ కేంద్ర మంత్రి వెంకటస్వామి (కాకా) తనయులు గడ్డం వినోద్, వివేక్‌ల రాజకీయ పరిస్థితి అగమ్యగోచరంగా మారింది. చెన్నూర్ అసెంబ్లీ టికెట్‌పై గంపెడాశలు పెట్టుకొని నిరీక్షించిన మాజీ మంత్రి గడ్డం వినోద్‌కు పార్టీ టికెట్ దక్కకపోగా సిట్టింగ్ అభ్యర్థి నల్లాల ఓదెలును మార్చి ఎంపీ బాల్క సుమన్‌కు టికెట్ ఖరారు చేయడంతోనే అసమ్మతి సెగలు ఎగిసిపడ్డాయి. ఓవైపు టికెట్ దక్కలేదనే నిరాశతో ఓదెలు తీవ్ర అసంతృప్తికి లోనుకాగా పార్టీలో తలెత్తిన ఘర్షణలో గట్టయ్య అనే కార్యకర్త మృతిచెందాడు. ఈ పరిణామంతో కంగుతిన్న టీఆర్‌ఎస్ అధినేత కేసీఆర్ అసమ్మతి నేతలను బుజ్జగించి ఓదెలును సముదాయించగా, పరిస్థితి చక్కదిద్దుకుందన్న క్రమంలోనే తాజాగా మాజీ మంత్రి వినోద్ తనకు టికెట్ దక్కకపోవడంపై బాహాటంగానే అసంతృప్తి వెళ్లగక్కారు. కాంగ్రెస్ నుండి టీఆర్‌ఎస్‌లో చేరేందుకు ముందునుండి అసహనం వ్యక్తం చేస్తున్న వినోద్‌కు ఈసారి టికెట్ రాకపోవడంపై ఆయన వర్గీయులు అలకపానె్పక్కారు. బాల్క సుమన్‌కు మద్దతుగా ప్రచారం సాగించలేమని, అభ్యర్థిత్వాన్ని మార్చి వినోద్‌కు ఇవ్వాలని రెండుసార్లు వినోద్ వర్గీయులు సమావేశం నిర్వహించుకోవడం రాజకీయాల్లో చర్చనీయాంశంగా మారింది. వద్దన్నా వినకుండా వివేక్ చొరవతోనే తాను టీఆర్‌ఎస్‌లోకి వెళ్ళాల్సి వచ్చిందని, పెద్దపెల్లి ఎంపీ టికెట్ వివేక్‌కు, చెన్నూర్ లేదా బెల్లంపల్లి స్థానాల్లో తనకు ఇస్తామని ఆశచూపి మోసం చేశారని వినోద్ కార్యకర్తల ఎదుట ఆవేదన వ్యక్తం చేశారు. తమ్ముడు వివేక్ తీరుపై గుర్రుగా ఉన్న వినోద్ కాంగ్రెస్ పెద్దలతో ఉన్న అనుబంధం మేరకు ఆపార్టీలో చేరేందుకు సీనియర్లతో మంతనాలు సాగిస్తున్నట్లు తెలిసింది. మంత్రి కేటీఆర్‌తో భేటీ అయిన వినోద్ వర్గీయులకు ఎట్టిపరిస్థితుల్లోనూ బాల్క సుమన్‌ను మార్చేది లేదని తేల్చిచెప్పడంతో ఇండిపెండెంట్‌గా పోటీ చేస్తామని హెచ్చరికలు జారీ చేయడం గమనార్హం. కాంగ్రెస్‌లో చేరితే పెద్దపల్లి ఎంపి టికెట్ వివేక్‌కు, చెన్నూర్ లేదా బెల్లంపల్లి స్థానాలను వినోద్‌కు కట్టబెడుతామని కాంగ్రెస్ సీనియర్లు హామీ ఇచ్చినట్లు తెలిసింది. వెంకటస్వామితో పార్టీకి ఉన్న అనుబంధం మేరకు రెండు టికెట్లపై భరోసా ఇచ్చినట్లు సమాచారం.
అయితే, ప్రభుత్వ అధికార ప్రతినిధిగా కొనసాగుతున్న జి.వివేక్ ఆచితూచి అడుగేస్తున్నట్లు సమాచారం. తాను మాత్రం టీఆర్‌ఎస్‌తో తెగతెంపులు చేసుకొని తాడోపేడో తేల్చుకునేందుకు వినోద్ సన్నద్దమవుతుండగా కార్యకర్తలు కూడా ఆయన వెన్నంటూ ఉంటామని మద్దతు ప్రకటించడం గమనార్హం. తాజాగా మారిన పరిణామాలపై జి.వినోద్‌ను వివరణ కోరగా కార్యకర్తలు పోటీ చేయాలని ఒత్తిడి తెస్తున్నారని, అధిష్ఠాన వైఖరిలో మార్పువస్తుందని ఆశిస్తున్నట్లు తెలిపారు. కార్యకర్తలు, అభిమానుల అభిమతం మేరకే తాను రాజకీయ నిర్ణయం తీసుకుంటానని, ప్రస్తుతం ఏమీ మాట్లాడలేనని స్పష్టం చేయడం గమనార్హం.
చిత్రాలు.. జీ. వివేక్, జీ. వినోద్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.