రాష్ట్రీయం
ఆ నోటా..ఈ నోటా!
S ,7 à 8 RSCA (si SASPAS) et 6 cialis pharmacie cialis rapports de stage.
చెల్లని నోటు..చెల్లని ఫేసూ ఒకటే! ఇప్పుడు కొత్తగా ఎవరూ కాదనుకునే అభ్యర్థులూ వచ్చారు. ఇది ప్రజాస్వామ్యం. ఇదే ప్రజాస్వామ్యం. ప్రజలు ఓటేస్తే గెలుస్తారు. వేయకపోతే ఓడిపోతారు. మరి తిరస్కరిస్తే..చెల్లకుండా పోతారు. ఇప్పుడు చెల్లని ఓట్ల కంటే కూడా చెల్లని అభ్యర్థుల సంఖ్య పెరిగిపోతోంది. ఈవీఎమ్‌ల పుణ్యమా అని ప్రజాస్వామ్య భారతంలో ప్రజలకు ఈ మహదవకాశం దక్కింది. ఉన్న వారిలో ఎవరో ఒకర్ని చచ్చినట్టు ఎన్ను కోవాల్సిన పనిలేదు. వారెవరూ వద్దనుకునే ఆప్షన్ అందిరావడంతో జనం రోజురోజుకూ, ఎన్నిక ఎన్నికకూ నోటా బాట పడుతున్నారు. కొన్ని సందర్భాల్లో ఉన్న అభ్యర్థుల కంటే ‘నోటా’కాటుపడ్డ ఓట్లే ఎక్కువగా ఉన్న దాఖలాలూ ఉన్నాయి. ఓటు హక్కు ఎంత ముఖ్యమో..దాన్ని అంతే పవిత్రంగా, నిబద్ధంగా వినియోగించడమూ అంతే రాజ్యాంగ అవసరం. రాజ్యాంగం మనకు కల్పించిన ఈ ఓటు హక్కు శుష్కహామీల పరం కాకుండా, నిఖార్సయిన మాటలకు వనె్నతెస్తే ఎలాంటి బెంగా ఉండదు. కానీ, ఇలా జరగడం లేదన్నదే వాదన. దేశానికి స్వాతంత్య్రం వచ్చి ఏడు దశాబ్దాలు దాటిపోయింది. తొలి ఎన్నిక నుంచి నేటి భారత ఎన్నిక వరకూ నేతల నోట ఒకే మాట..అదే పేదరిక నిర్మూలన, ఉపాధి కల్పన. ఈ రెంటికోసం లక్షల కోట్ల రూపాయలు ఖర్చు చేశారు. పేదరిక లోతులు ఎంత తవ్వినా అంతకు మించి పెరిగిపోతున్నాయి. ఉపాధి కూడా అందనిమావి చందంగా ఎప్పుడూ వికటాట్టహాసం చేస్తూనే ఉంటోంది. మరి ఇన్ని లక్షల కోట్లు ఏమైనట్టు..మనం వేసిన ఓటు విలువ ఎటు పోయినట్టు? నమ్మి ఓటు వేయడం కంటే నమ్మకం లేదని చెప్పడమే మేలనుకునే యువత సంఖ్య పెరుగుతోంది. అందుకే నోటా పదునెక్కుతోంది. మాయమాటలు చెప్పి..ఓటర్లను బుట్టలో వేసుకున్నామనుకుంటే అది భ్రమేనన్న చైతన్యం పెరుగుతోంది. అందుకే నోటా కాటు పడకూడదనుకుంటే నోటి మాటకు విలువివ్వాలి. చేయగలిగేదే చెప్పాలి. నిజాయితీని నిలబెట్టుకోవాలి. ఓటు మాట ఎలా ఉన్నా ముందు నోటా బారిన పడకుండా తమ పరువును కాపాడుకోవాల్సిన అగత్యం ఇప్పుడు అన్ని పార్టీల అభ్యర్థులకూ ఏర్పడింది. ప్రజాస్వామ్యమా మజాకా..!
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.