రాష్ట్రీయం
మహా కూటమిలో సీపీఐ కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, అక్టోబర్ 16: తెలంగాణలో టీఆర్‌ఎస్‌ను ఎదుర్కొనేందుకు ఒక్కటైన పార్టీలకు సీట్ల కేటాయింపుల్లో విభేదాలు తలెత్తుతున్నాయి. కాంగ్రెస్, తెలుగుదేశం, సీపీఐ, తెలంగాణ జనసమితి కలిసి పోటీ చేస్తామని ఇప్పటికే ప్రకటించగా కూటమిలో పెద్దన్నగా ఉన్న కాంగ్రెస్ నేతల వైఖరిని సీపీఐ నేతలు బాహాటంగానే తప్పుబడుతున్నారు. రాష్ట్ర వ్యాప్తంగా తాము కావాలన్న సీట్లలో కనీసం సగం కూడా ఇవ్వకపోవటం బాధాకరమంటున్నారు. ఉమ్మడి ఖమ్మం జిల్లాలో వైరా, కొత్తగూడెం స్థానాలు ఇవ్వకపోతే తాము స్వంతంగానే పోటీ చేస్తామని సీపీఐ రాష్ట్ర సహాయ కార్యదర్శి కూనంనేని సాంబశివరావు తెగేసి చెప్పారు. రెండు రోజుల క్రితం వైరా నియోజకవర్గంలో సుమారు 50 కిలోమీటర్ల మేర సాగిన మోటర్ సైకిల్ ర్యాలీలో మహాకూటమిలోని ఇతర పార్టీలు పాల్గొనకపోగా సీపీఐ నేతలు మాత్రం వైరాలో కచ్చితంగా పోటీ చేస్తామని, ఇక్కడ పోటీ చేయలేకపోతే రాష్ట్ర వ్యాప్తంగా స్వతంత్రంగానే పోటీ చేస్తామని ప్రకటించారు. 12స్థానాలలో తాము బలంగా ఉన్నామని, మరో 30 స్థానాలలో గెలుపు, ఓటములను నిర్దేశించే స్థాయిలో ఉన్నామని పేర్కొంటున్నారు. గత ఎన్నికల్లో సీపీఐ పోటీ చేసిన చోట కాంగ్రెస్ ఓడిపోయిందని గుర్తుచేశారు. ఉమ్మడి ఖమ్మం జిల్లాలో పొత్తులు ఖరారైతేనే రాష్ట్ర వ్యాప్తంగా పొత్తులు కుదురుతాయని బహిరంగ సభలో పేర్కొన్నారు. అదే సమయంలో టీడీపీతో పొత్తు పెట్టుకున్నప్పుడు తమకు మంచి ప్రాతినిధ్యం లభించేదని పేర్కొనటం విశేషం. దీనిపై కాంగ్రెస్ నేతలు మంగళవారం రాష్ట్ర కాంగ్రెస్ పార్టీ కార్యాలయంలో చర్చించినట్లు సమాచారం. సీపీఐ నేతలు ఈ స్థాయిలో విమర్శలు చేయటం జీర్ణించుకోలేని కాంగ్రెస్ నేతలు ఖమ్మం జిల్లాలో పొత్తులపై తొలుత నిర్ణయం తీసుకోవాలని టీడీపీ నేతలతో కూడా చెప్పినట్లు తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.