రాష్ట్రీయం
మేనిఫెస్టోనే విడుదల కాలేదు.. కాపీ ఎలా కొడతారు ?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 17: కాంగ్రెస్ పార్టీ మేనిఫెస్టోనే ప్రకటించలేదు, అలాంటప్పుడు తామేలా కాపీ కొడుతామని టీఆర్‌ఎస్‌లో ముఖ్య నాయకుడు, ఎంపీ బోయినపల్లి వినోద్‌కుమార్ ప్రశ్నించారు. తాము కూడా రైతుబంధు, రైతు బీమా పథకాలను కొనసాగిస్తామంటున్న కాంగ్రెస్ నేతలు టీఆర్‌ఎస్ ప్రభుత్వాన్ని కూడా కొనసాగిస్తామని చెబితే బాగుండేదని ఎద్దేవా చేసారు. కాంగ్రెస్ నేతలు ప్రజల నాడీ తెలుసుకోకుండా తామే అధికారంలోకి వస్తామని ఉహాల్లో తేలాడుతున్నారని వినోద్‌కుమార్ విమర్శించారు. తెలంగాణ భవన్‌లో బుధవారం ఎమ్మెల్సీ శ్రీనివాస్‌రెడ్డితో కలిసి వినోద్‌కుమార్ మీడియాతో మాట్లాడుతూ, అధికారం లేకపోతే ప్రజల మధ్యలో ఉండలేనిస్థితికి కాంగ్రెస్ నేతలు చేరుకున్నారన్నారు. రెండు వేల పెన్షన్ తాము కూడా ఇస్తామంటున్న కాంగ్రెస్ నాయకులు వారు అధికారంలో ఉన్నప్పుడు రెండు వందలు మాత్రమే ఇచ్చిన విషయం మరిచిపోయారా? అని వినోద్‌కుమార్ నిలదీసారు. ఎన్నికలు ఎప్పుడు వచ్చినా సిద్ధమని సవాల్ చేసిన కాంగ్రెస్ నాయకులు ఆపాలని కోర్టుల చుట్టూ ఎందుకు తిరుగుతున్నారని ప్రశ్నించారు. ప్రజా కోర్టులో తేల్చుకుందామని తమ అధినేత, సీఎం కేసీఆర్ సవాల్ విసిరితే, ప్రజా కోర్టుకు భయపడి హైకోర్టు, సుప్రీంకోర్టుల చుట్టూ తిరుగుతున్నారని వినోద్ విమర్శించారు. వందకు పైగా సీట్లతో ఘన విజయం సాధించి డిసెంబర్ 11 తర్వాత టీఆర్‌ఎస్ ప్రభుత్వం కచ్చితంగా ఏర్పాటు కోబోతుందని ధీమా వ్యక్తం చేసారు. రాష్ట్ర ఆర్థికాభివృద్ధి కోసం తాము గొర్రెలు, బర్రెలు ఇస్తే కాంగ్రెస్ నేతలు హేళనగా మాట్లాడుతున్నారని అన్నారు. తెలంగాణ సొంతంగా పాడిపరిశ్రమ అభివృద్ధి కావద్దా అని వినోద్‌కుమార్ ప్రశ్నించారు. తెలంగాణ భవన్‌లో మంత్రి తలసాని శ్రీనివాస్ యాదవ్ మాట్లాడుతూ, తమ మేనిఫెస్టోను టీఆర్‌ఎస్ కాపీ కొట్టిందని పీసీసీ అధ్యక్షుడు ఉత్తమ్‌కుమార్‌రెడ్డి సిగ్గు లేకుండా మాట్లాడుతున్నారని దుయ్యబట్టారు. గత ఎన్నికలకు ముందే కాంగ్రెస్ పార్టీ తాము అధికారంలోకి వస్తే రెండు లక్షల పంట రుణాన్ని మాఫీ చేస్తామంటే ప్రజలు నమ్మలేదని తలసాని గుర్తు చేసారు. క్షేత్రస్థాయిలో సమాచారాన్ని నిర్దారించుకుండా ఇంటింటికి నీళ్లు ఎక్కడొచ్చాయని విమర్శిస్తున్నారన్నారు. కాంగ్రెస్ నేతలు కంటి పరీక్షలు చేయించుకుంటే నీళ్లు ఎక్కడ వస్తున్నాయో కనిపిస్తాయని మంత్రి ఎద్దేవా చేసారు. ఆంధ్రా వాళ్లంతా టీఆర్‌ఎస్ పార్టీకే అండగా ఉన్నారని, తన సనత్ నియోజకవర్గానికి చంద్రబాబు నాయుడు, లోకేష్ వచ్చి ప్రచారం చేసినా విజయం తనదేనని తలసాని అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.