రాష్ట్రీయం
కర్రల సమరానికి సర్వం సిద్ధం
S ,7 à 8 RSCA (si SASPAS) et 6 cialis pharmacie cialis rapports de stage.
ఆదోని, అక్టోబర్ 17: విజయదశమి రోజు జరిగే కర్రల సమరానికి సర్వం సిద్ధమైంది. కర్నూలు జిల్లా హొళగుంద మండలంలోని గట్టుమల్లయ్య కొండల్లో వెలసిన శ్రీ మాళమల్లేశ్వరస్వామి బన్ని ఉత్సవం సందర్భంగా భక్తులు కర్రలతో కొట్టుకోవడం ఆనవాయితీ. స్వామివారి ఉత్సవమూర్తులకు రక్షణగా కొత్తపేట, నెరణికి, నెరణికి తండావాసులు కర్రలు, కాగడాలతో ముందుకుసాగుతారు. ఈ క్రమంలో ఉత్సవమూర్తులను తీసుకువెళ్లేందుకు వచ్చేవారితో తలపడడం సంప్రదాయంగా వస్తోంది. ఈ క్రమంలో భక్తులు పరస్పరం తలపడడంతో తలలు పగలడం, కాళ్లు చేతులకు గాయాలు కావడం ప్రతిఏటా జరుగుతోంది. శుక్రవారం అర్థరాత్రి బన్ని ఉత్సవం నిర్వహించేందుకు ఆలయ కమిటీ ఏర్పాట్లు చేసింది. బన్ని ఉత్సవం రక్తసిక్తం కాకుండా ఉండేందుకు పోలీసులు ఎన్ని చర్యలు తీసుకుంటున్నా భక్తులు ఏటేటా కర్రలతో తరలివస్తున్నారు. ఉత్సవం రక్తసిక్తమవుతూనే ఉంది. బన్ని ఉత్సవాన్ని కనులారా వీక్షించేందుకు కర్నాటక, ఆంధ్ర, తెలంగాణ నుంచి లక్షల సంఖ్యలో భక్తులు వస్తుంటారు. ఉత్సవంలో కర్రలను అడ్డుకునేందుకు పోలీసులు చెక్‌పోస్టులు ఏర్పాటుచేసినా, విస్తృత తనిఖీలు నిర్వహించినా ఫలితం లేకుండా పోతోంది. ఈసారి కూడా పోలీసులు గ్రామాల్లో విస్తృతంగా పర్యటించి ప్రజల్లో అవగాహన కల్పించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.