రాష్ట్రీయం
గ్రామీణాభివృద్ధిలో ఏపీ టాప్
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, అక్టోబర్ 20: దేశం మొత్తంగా గ్రామీణాభివృద్ధిలో ఆంధ్రప్రదేశ్ అగ్రభాగాన నిలిచింది. కేంద్ర ప్రభుత్వ గ్రామీణాభివృద్ధి మంత్రిత్వశాఖలో నిర్వహించిన సర్వేలో కర్ణాటకలోని కులిగోడ్ గ్రామం ప్రథమ స్థానం సాధించగా రాష్ట్రంలోని 37 గ్రామాలు మొదటి పది ర్యాంకులను సొంతం చేసుకుని ప్రత్యేకతను చాటాయి. గ్రామీణాభివృద్ధిలో కీలక చోదకాలైన వౌలిక సదుపాయాలు, ఆర్థికాభివృద్ధి, జీవనోపాధి, సాగునీటి వనరులు, ఆరోగ్యం, పౌష్టికాహారం, మహిళా సాధికారత వంటి అంశాలను పరిగణనలోకి తీసుకుని కేంద్ర గ్రామీణాభివృద్ధి మంత్రిత్వశాఖ దేశవ్యాప్తంగా విశే్లషణాత్మక సర్వే నిర్వహిస్తోంది. సుమారు 1.6 లక్షల పంచాయతీల్లో మూడున్నర లక్షల గ్రామాలను ఎంపికచేసి నిర్వహిస్తున్న ఈ సర్వేలో ఏపీలోని గ్రామాలు అభివృద్ధిపథంలో దూసుకుపోతున్నాయని స్పష్టం చేసింది. కొన్ని ప్రాంతాల్లో రెండుకు మించిన గ్రామాలకు ఒకే ర్యాంక్ లభించింది. మొదటి పది ర్యాంకులలో 97 గ్రామాలకు గాను ఏపీకి చెందిన 37 గ్రామాలు ఉండటం విశేషం. ఈ గ్రామాలన్నింటిలో అంత్యోదయ పథకం అమలులో ఉంది. కేంద్ర మంత్రిత్వశాఖ అధికారుల బృందం ఈ సర్వే నిర్వహిస్తూ ప్రమాణాలకు అనుగుణంగా ఫలితాలు సాధిస్తున్న ఆవాసాలకు ర్యాంకింగ్ ఇస్తున్నారు. కాగా గత ఏడాది అక్టోబర్‌లో 50వేల గ్రామ పంచాయతీలలో ప్రాథమిక సర్వే చేపట్టారు. అదే క్రమంలో ఈ ఏడాది నవంబర్‌లోగా రెండున్నర లక్షల గ్రామాల్లో సర్వే పూర్తిచేయాలని నిర్ణయించారు. ఏపీలోని పలు గ్రామాలు బహుముఖాభివృద్ధిలో ముందున్నాయని సర్వే నిగ్గుతేల్చింది. విద్యుదీకరణ, బహిరంగ మలమూత్ర విసర్జన రహిత ప్రాంతాలుగా అనేక గ్రామాలు మంచి ఫలితాలు సాధిస్తున్నాయని సర్వేలో పేర్కొన్నారు. ముఖ్యమంత్రి చంద్రబాబు నాయుడు ప్రత్యేక పర్యవేక్షణ వల్ల గ్రామాలు వౌలిక అభివృద్ధిని సాధిస్తున్నాయనేందుకు ఇదో తార్కాణంగా నిలుస్తోంది. కేంద్ర గ్రామీణాభివృద్ధిశాఖ పారిశుద్ధ్యం, వ్యర్థ పదార్థాల నిర్వహణ, ప్రజలకు అందుతున్న వౌలిక సదుపాయాలు తదితర అంశాలపై విశే్లషణాత్మక సర్వే కొనసాగిస్తోంది. మలమూత్ర విసర్జన రహిత ప్రాంతాలుగా దేశవ్యాప్తంగా 58శాతం గ్రామాలు ఉన్నట్లు గుర్తించింది. 21 శాతం గ్రామాలు సామాజిక వ్యర్థ నిర్వహణ పద్దతులను కచ్చితంగా అమలు చేస్తున్నాయని, 75 శాతం మంది గృహ వినియోగదారులు ఎల్పీజీ, బయోగ్యాస్ వంటి కాలుష్యరహిత ఇంధన వనరులను వినియోగిస్తున్నారని సర్వే వివరించింది. రాష్ట్రంలో 92 మార్కులతో చిత్తూరు జిల్లాకు చెందిన శ్రీరామాపురం గ్రామ పంచాయతీ మొదటి పది స్థానాలు సాధించిన 97 గ్రామాల్లో రెండో స్థానం దక్కించుకుంది. చిత్తూరు జిల్లాకు చెందిన పది గ్రామాలు, విశాఖపట్నం జిల్లాకు చెందిన మరో పది గ్రామాలు మొదటి పది ర్యాంక్‌లలో ప్రత్యేకతను చాటుకున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.