రాష్ట్రీయం
తూ.గో.లో 350 అడుగుల రెడ్ రిబ్బన్!
S ,7 à 8 RSCA (si SASPAS) et 6 cialis pharmacie cialis rapports de stage.
రావులపాలెం, డిసెంబర్ 1: ప్రపంచాన్ని గడగడలాడిస్తున్న ఎయిడ్స్ మహమ్మారిని తరిమికొట్టేందుకు అంతా అవగాహన పెంచుకోవాలని సందేశమిస్తూ మంగళవారం తూర్పు గోదావరి జిల్లా రావులపాలెంలో 350 అడుగుల భారీ రెడ్ రిబ్బన్‌తో విద్యార్థులు ప్రదర్శన జరిపారు. ప్రపంచ ఎయిడ్స్ దినోత్సవాన్ని పురస్కరించుకుని రావులపాలెం లిటిల్ ఫ్లవర్ హైస్కూలుకు చెందిన సుమారు 400మంది విద్యార్థినీ విద్యార్థులు ఒక మీటరు వెడల్పు, వంద మీటర్ల పొడవైన (సుమారు 350 అడుగులు) ఉన్న రెడ్ రిబ్బన్‌తో పాఠశాల వద్దనుండి పుర వీధుల గుండా ఎయిడ్స్ అవగాహనా ర్యాలీ నిర్వహించారు. అనంతరం 16వ నెంబరు జాతీయ రహదారిపై స్థానిక కళా వెంకట్రావు సెంటర్లో ఎయిడ్స్ వ్యాధికి మందులేదు..నివారణ ఒక్కటే మార్గమంటూ నినదించారు. ఈ కార్యక్రమంలో స్కూలు డైరెక్టర్ పివిఎస్ సూర్యకుమార్, ఎంపిపి కోట చెల్లయ్య, జడ్పీటీసీ సాకా ప్రసన్నకుమార్, ప్రముఖ ఇంద్రజాలికుడు చింతా శ్యామ్‌కుమార్, ఊబలంక, గోపాలపురం పిహెచ్‌సి వైద్య సిబ్బంది పాల్గొన్నారు.
సంక్షేమ ఫలాలు ప్రజలకు చేరాలి
జనచైతన్య యాత్రలో చంద్రబాబు
ఆంధ్రభూమి బ్యూరో
గుంటూరు, డిసెంబర్ 1: కొంతమంది తెలుగుదేశం పార్టీ నాయకులు పార్టీని మోసం వెళ్లిపోయినప్పటికీ వెన్నుదన్నుగా నిలిచిన కార్యకర్తల త్యాగంతోనే నేడు పార్టీ తిరిగి అధికారంలోకి వచ్చిందని ముఖ్యమంత్రి చంద్రబాబు కార్యకర్తలను అభినందించారు. గుంటూరు జిల్లాలో శాసనసభ నియోజకవర్గ కేంద్రమైన వేమూరులో మంగళవారం జనచైతన్య యాత్రలను ముఖ్యమంత్రి చంద్రబాబు ప్రారంభించారు. ఈ సందర్భంగా చంద్రబాబు మాట్లాడుతూ కార్యకర్తలు త్యాగాలు మరవలేనని, వారికి శిరస్సు వంచి నమస్కరిస్తున్నానని అన్నారు. డిసెంబర్ 8వ తేదీ నాటికి పార్టీ అధికారం చేపట్టి 18 నెలలు పూర్తి అవుతోంతుందని, ఈ ఏడాదిన్నర కాలంలో ప్రభుత్వం అమలుచేసిన సంక్షేమ పథకాలను ప్రజలకు అందే విధంగా చూడాల్సిన బాధ్యతను కార్యకర్తలు తీసుకోవాలన్నారు. సంక్షేమ పథకాలకు దేశంలోనే కేరాఫ్ తెలుగుదేశం పార్టీ అని, 1983వ సంవత్సరంలోనే పేదవాడి కడుపు నిండాలనే కాంక్షతో కిలో రెండు రూపాయలకే బియ్యం పథకం ప్రవేశపెట్టిన ఘనత, దూరదృష్టి ఎన్‌టి రామారావుకు దక్కుతుందన్నారు. కాంగ్రెస్ పార్టీ పెన్షన్‌గా కేవలం రూ.200లు ఇచ్చి గొప్పలు చెప్పుకుందని, వారి కంటే 5 రెట్లు ఎక్కువగా ఇచ్చి వృద్ధులు, వితంతవులను ఆదుకుంటున్నామన్నారు. ఐదున్నర నెలల్లో పట్టిసీమ ద్వారా గోదావరి, కృష్ణా నదులను అనుసంధానం చేసి రాష్ట్రాన్ని కరవురహిత రాష్ట్రంగా తీర్చిదిద్దేందుకు కృషి చేస్తున్నామన్నారు. వచ్చే ఏడాది జూలై నెల నుంచే కృష్ణా, తూర్పు, పశ్చిమ గోదావరి డెల్టా ప్రాంతాల ప్రజలు నాట్లు వేసుకునే విధంగా నీరందిస్తామన్నారు. వైఎస్‌ఆర్ తన అధికారంతో కుటుంబం కోసం రాష్ట్రానే్న దోచిపెట్టాడన్నారు.
జనచైతన్య యాత్రలో మాట్లాడుతున్న ముఖ్యమంత్రి చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.