రాష్ట్రీయం
కేసీఆర్, చంద్రబాబు ఒకే తాను ముక్కలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 6: కేసీఆర్, చంద్రబాబునాయుడు ఇద్దరూ కాంగ్రెస్ స్కూల్ నుండి వచ్చిన వ్యక్తులేనని, ఒకే తాను ముక్కలని బీజేపీ తెలంగాణ అధ్యక్షుడు డాక్టర్ కే లక్ష్మణ్ విమర్శించారు. బీజేపీ రాష్ట్ర కార్యాలయంలో లక్ష్మణ్ సమక్షంలో మహబూబాబాద్ జిల్లాకు చెందిన కాంగ్రెస్ నాయకుడు హుస్సేన్ నాయక్, కాంగ్రెస్ మహబూబాబాద్ జిల్లా అధ్యక్షురాలు వెంకటలక్ష్మీ, శీలం సత్యనారాయణ తదితరులు బీజేపీలో చేరారు. ఈ సందర్భంగా లక్ష్మణ్ మీడియాతో మాట్లాడుతూ ఎన్నికల తర్వాత మహాకూటమి డ్రామా కంపెనీలో కేసీఆర్ కూడా చేరడం గ్యారంటీ అని అన్నారు. కర్నాటకలో కాంగ్రెస్‌తో పొత్తు పెట్టుకోమని కుమారస్వామికి సలహా ఇవ్వడమే అందుకు నిదర్శమని అన్నారు. కాంగ్రెస్ ముక్త భారత్ అంటే కాంగ్రెస్ సంస్కృతి నుండి విముక్తి పొందడమేనని అన్నారు. కాంగ్రెస్ అభ్యర్ధుల పేర్లను చంద్రబాబునాయుడు నిర్ణయించడం వారి ధైన్యస్థితికి అద్దం పడుతోందని అన్నారు. తెలంగాణలో అంతో ఇంతో మిగిలిన ఉన్న కాంగ్రెస్ పూర్తిగా టీడీపీ కబంధ హస్తాల్లో చిక్కుకు పోయిందని, ఎన్నికల తర్వాత కాంగ్రెస్ కనుమరుగు కావడం ఖాయమని జోస్యం చెప్పారు. కోదండరాం లాంటి మేధావి తెలంగాణ ద్రోహుల పార్టీ లాంటి టీడీపీతో జతకలవడం ఆశ్చర్యంగా ఉందని అన్నారు. ఉద్యమ సమయంలో టీడీపీని తీవ్ర స్థాయిలో విమర్శించిన వ్యక్తి ఇపుడు ఆ పార్టీతో ఎలా పొత్తు పెట్టుకుంటారని ప్రశ్నించారు. టీఆర్‌ఎస్, టీడీపీ, కాంగ్రెస్ ఈ మూడింటిలో ఏ పార్టీకి ఓటు వేసినా దారుస్సలాంలో ఉన్న ఎంఐఎంకే వెళ్తుందని తేల్చి చెప్పారు.
టీఆర్‌ఎస్ అభ్యర్ధులు ఎన్నికల ప్రచారానికి వెళ్తే చుక్కలు చూపిస్తున్నారని, హామీలు నెరవేర్చని మీరు ఓట్లు అడిగేందుకు ఎందుకు వచ్చారని నిలదీస్తున్నారని అన్నారు. ప్రచారంలో బీజేపీ అభ్యర్థులు దూసుకుపోతున్నారని, ప్రజలు బ్రహ్మరథం పుడుతున్నారని, బీజేపీతోనే అభివృద్ధి సాధ్యమని ప్రజలు నమ్ముతున్నారని అన్నారు. మిషన్ -60 పేరుతో పంచ పాండవుల్లా రాష్ట్రంలో అధికారంలోకి వస్తామని లక్ష్మణ్ విశ్వాసం వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.